ബംഗളൂരു: മംഗളൂരുവിൽ മൊബൈൽ ടവർ കാണാതായി. കസബ ബസാറിന് സമീപമായിരുന്നു സംഭവം. മൊബൈൽ ടവറിനായി പോലീസ് അന്വേഷണം ആരംഭിച്ചു.
ജിടിഎൽ ഇൻഫ്രാസ്ട്രക്ചർ ലിമിറ്റഡ് സ്ഥാപിച്ച മൊബൈൽ ടവറാണ് കാണാതെയായത്. കഴിഞ്ഞ ദിവസം മൊബൈൽ ടവർ പരിശോധിക്കാനായി കമ്പനയിൽ നിന്നും സൈറ്റ് ഇൻസ്‌പെക്ടർ സന്ദീപ് ഇവിടെയെത്തിയിരുന്നു. ഇതേ തുടർന്നാണ് സ്ഥാപിച്ച സ്ഥലത്ത് ടവർ ഇല്ലെന്ന് വ്യക്തമായത്. ഇതോടെ പോലീസിൽ പരാതി നൽകുകയായിരുന്നു. 2009 ഏപ്രിൽ ആറിനായിരുന്നു ഇവിടെ മൊബൈൽ ടവർ സ്ഥാപിച്ചത്.
സാമൂഹ്യവിരുദ്ധർ ടവർ മോഷ്ടിച്ചതാകാമെന്നാണ് പോലീസിന്റെ പ്രാഥമിക നിഗമനം. പ്രതികൾക്കായി ഊർജ്ജിത അന്വേഷണമാണ് നടത്തുന്നതെന്ന് പോലീസ് പറഞ്ഞു. കഴിഞ്ഞ ദിവസം തമിഴ്‌നാട്ടിലും മൊബൈൽ ടവറുകൾ കാണാതെയായ സംഭവം റിപ്പോർട്ട് ചെയ്തിരുന്നു.
Comments