കാശി: ഉത്തര്‍പ്രദേശ് സംസ്ഥാനത്തെ വാരണാസിയിലെ കാശി വിശ്വനാഥ ക്ഷേത്ര തീര്‍ത്ഥാടകര്‍ക്ക് ധനസഹായം നല്‍കാനൊരുങ്ങി കര്‍ണാടക സര്‍ക്കാര്‍. 30,000 തീര്‍ത്ഥാടകര്‍ക്കാണ് പദ്ധതിയുടെ ഫലം ലഭ്യമാകുന്നത്. സര്‍ക്കാര്‍ ബജറ്റില്‍ പ്രഖ്യാപിച്ച മാനസരോവര തീര്‍ത്ഥാടന സഹായം പദ്ധതി പ്രകാരം കാശി യാത്രയ്‌ക്കായി ഏഴ് കോടി രൂപയാണ് മാറ്റി വെച്ചിരിക്കുന്നത്. എന്‍ഡോവ്‌മെന്റ് ഡിപ്പാര്‍ട്ട്‌മെന്റാണ് തുക ലഭ്യമാക്കുക. ഒറ്റ തവണ പദ്ധതിയാണെന്ന് സര്‍ക്കാര്‍ അറിയിച്ചു.
പദ്ധതി പ്രകാരം തുക ആവശ്യമുള്ള കര്‍ണാടക സ്വദേശികള്‍ തിരിച്ചറിയല്‍ രേഖകളുമായി എത്തണം. അപേക്ഷകര്‍ 18 വയസ്സിന് മുകളില്‍ പ്രാസമുള്ളവരാണെന്ന് ഉറപ്പുവരുത്തനാണ് തിരിച്ചറിയല്‍ രേഖകളുമായി എത്താന്‍ നിര്‍ദേശിച്ചതെന്ന് റിലീജിയസ് എന്‍ഡോവ്‌മെന്റ് മന്ത്രി അറിയിച്ചു.ഏപ്രില്‍ 1 മുതല്‍ ജൂണ്‍ 30 വരെ തീര്‍ത്ഥയാത്ര നടത്തിയവര്‍ ധനസഹായം കൈപ്പറ്റണമെന്നും അറിയിച്ചു. ഇത്തരക്കാര്‍ പൂജ രസീത്, ദര്‍ശനത്തിനായി കാത്തുനിന്നതിന്റെ ടിക്കറ്റ് തുടങ്ങിയവ ഹാജരാക്കണം.
Comments