കാസർകോട്: ശക്തമായ മഴയെ തുടർന്ന് ജില്ലയിലെ സ്‌കൂളുകൾക്ക് വെള്ളിയാഴ്ച അവധി. കാസർകോട്, മഞ്ചേശ്വരം താലൂക്കുകളിലെ സ്‌കൂളുകൾക്കാണ് അവധി പ്രഖ്യാപിച്ചത്. ജില്ലാ കളക്ടറാണ് ഇതുമായി ബന്ധപ്പെട്ട അറിയിപ്പ് പുറപ്പെടുവിച്ചത്.
താലൂക്കുകളിലെ അങ്കണവാടികൾക്കും നാളെ അവധിയാണ്. അതേസമയം കോളേജുകൾക്ക് അവധി ബാധകമല്ലെന്ന് കളക്ടർ അറിയിച്ചു. ജില്ലയിൽ കഴിഞ്ഞ മണിക്കൂറുകളിൽ ശക്തമായ മഴയാണ് ലഭിക്കുന്നത്. ഈ സാഹചര്യത്തിൽ വെള്ളിയാഴ്ച ജില്ലയിൽ യെല്ലോ അലർട്ടാണ്. ഇന്നും ജില്ലയിൽ യെല്ലോ അലർട്ട് ഏർപ്പെടുത്തിയിട്ടുണ്ട്.
Comments