തൃശ്ശൂർ: സൂപ്പർമാർക്കറ്റ് കുത്തിത്തുറന്ന് വീട്ടുസാധനങ്ങൾ മോഷ്ടിച്ച സംഭവത്തിൽ മൂന്ന് പേർ പിടിയിൽ. തൃശൂർ വിയ്യൂരിലാണ് സംഭവം. ചീപ്പ്, സോപ്പ്, കിടക്ക മുതൽ ഒരു വീട്ടിലേക്ക് വേണ്ട എല്ലാം മോഷ്ടിച്ച സംഭവത്തിലാണ് നടുപടി.
പറവൂർ സ്വദേശി അരുൺ, കോഴിക്കോട് സ്വദേശി ആരിഫ്, പെരിഞ്ഞനം സ്വദേശി വിജീഷ് എന്നിവരെയാണ് തൃശൂർ സിറ്റി ഷാഡോ പോലീസും, ഈസ്റ്റ് പൊലീസും ചേർന്ന് അറസ്റ്റ് ചെയ്തത്. സിസിടിവി ദൃശ്യങ്ങളിൽ നിന്നാണ് കള്ളന്മാരെ തിരിച്ചറിഞ്ഞത്. മോഷണം സ്ഥിരം തൊഴിലാക്കിയവരാണ് മൂന്നു പേരുമെന്ന് പോലീസ് പറയുന്നു.
വിയ്യൂരിൽ ഇവർ വീട് വാടകയ്‌ക്ക് എടുത്തിരുന്നു. ഇവിടേയ്‌ക്ക് വേണ്ട സാധനങ്ങളാണ് മോഷ്ടിച്ചത്. കടയിൽ ഉണ്ടായിരുന്ന മൂവായിരം രൂപയും മൊബൈൽ ഫോണും കള്ളന്മാർ കൊണ്ടുപോയി. ഒരു ലക്ഷം രൂപയുടെ സാധനങ്ങളാണ് ഇവർ മോഷ്ടിച്ചത്. ഓട്ടോറിക്ഷയിലാണ് ഈ സാധനങ്ങളെല്ലാം കടത്തിയത്.
Comments