ഉദുമ മുൻ എംഎൽഎ പി രാഘവൻ അന്തരിച്ചു

കാസർകോട് : ഉദുമ മുൻ എംഎൽഎ പി രാഘവൻ അന്തരിച്ചു. 77 വയസായിരുന്നു വാർദ്ധക്യസഹജമായ രോഗങ്ങൾ ബാധിച്ചാണ് മരണം.

എൽഡിഎഫ് ജില്ല കൺവീനർ, ദിനേശ് ബീഡി ഡയറക്ടർ തുടങ്ങിയ പദവികൾ വഹിച്ച അദ്ദേഹം 37 വർഷത്തോളം സിപിഐഎം കാസർകോട് ജില്ല സെക്രട്ടറിയേറ്റ് അംഗമായിരുന്നു. തുടർച്ചയായി രണ്ട് തവണ അദ്ദേഹം ഉദുമ എംഎൽഎ ആയിട്ടുണ്ട്.

1991, 1996 വർഷങ്ങളിലാണ് അദ്ദേഹം എംഎൽഎയായി തിരഞ്ഞെടുക്കപ്പെട്ടത്. സിഐടിയു സംസ്ഥാന വൈസ് പ്രസിഡന്റ്, സെക്രട്ടറി, കാസർകോട് ജില്ലാ പ്രസിഡന്റ്, ജനറൽ സെക്രട്ടറി എന്നീ നിലകളിൽ പ്രവർത്തിച്ചിട്ടുണ്ട്.