പേരിൽ മാത്രമല്ല പെർഫോമൻസിലും ആള് ‘ഫൈറ്റർ’ തന്നെ; ഡ്യുക്കാട്ടി ‘സ്ട്രീറ്റ്ഫൈറ്റർ V4 SP’ ലോഞ്ച് ചെയ്‍തു

മോട്ടോർസൈക്കിൾ പ്രേമികൾക്ക് സന്തോഷ വാർത്തയുമായി ഇറ്റാലിയൻ ആഡംബര മോട്ടോർസൈക്കിൾ ബ്രാൻഡായ ഡ്യുക്കാട്ടി. കമ്പനിയുടെ പുതിയ മോട്ടോർസൈക്കിളായ സ്ട്രീറ്റ്ഫൈറ്റർ V4 SP ഇന്ത്യയിൽ അവതരിപ്പിച്ചു. ഇന്ത്യയിലെ സ്ട്രീറ്റ്-ഫൈറ്റർ നിരയുടെ സ്റ്റാൻഡേർഡ്, എസ് വകഭേദങ്ങൾക്കൊപ്പം ഡ്യുക്കാട്ടി V4 SPയും ചേരുകയാണ്. സ്റ്റാൻഡേർഡ് എഡിഷനേക്കാൾ കുറഞ്ഞത് 14 ലക്ഷം രൂപയാണ് സ്ട്രീറ്റ്ഫൈറ്റർ V4 SPയുടെ പ്രാരംഭ വില.

1,103 സിസി നേക്കഡ് സ്ട്രീറ്റ് ഫൈറ്ററിന്റെ എക്സ്-ഷോറൂം വില 34.99 ലക്ഷം രൂപയാണ്. ഇന്ത്യയിലെ ഡീലർഷിപ്പുകളിൽ എല്ലാം മോട്ടോർസൈക്കിളിനായിട്ടുള്ള ബുക്കിം​ഗ് ആരംഭിച്ചിട്ടുണ്ട്. യൂറോ 5 അംഗീകൃത 1103 സിസി ഡെസ്‌മോസെഡിസി സ്ട്രാഡേൽ, മോട്ടോജിപിയിൽ നിന്നുള്ള ഡെസ്‌മോഡ്രോമിക് ടൈമിംഗ്, കൗണ്ടർ റൊട്ടേറ്റിംഗ് ക്രാങ്ക്‌ഷാഫ്റ്റ്, “ട്വിൻ പൾസ്” ഫയറിംഗ് ഓർഡർ എന്നിവയുള്ള 90° V4 എഞ്ചിനാണ് സ്ട്രീറ്റ്‌ഫൈറ്റർ V4 SP-ന് കരുത്ത് പകരുന്നത്. എഞ്ചിൻ 13,000 ആർപിഎമ്മിൽ 208 എച്ച്പി കരുത്തും 9500 ആർപിഎമ്മിൽ 123 എൻഎം ടോർക്കും നൽകുന്നു.

Ohlins Smart EC 2.0 ഇലക്ട്രോണിക് സസ്പെൻഷൻ ഉൾപ്പെടെ V4 S ന്റെ അതേ ചേസിസ് തന്നെയാണ് V4 SP യ്‌ക്കും നൽകിയിരിക്കുന്നത്. പ്രധാന വിത്യാസം, ഫോർക്ക് സ്പ്രിംഗ് പ്രീലോഡ് 11 മില്ലീമീറ്ററിൽ നിന്ന് 6 മില്ലീമീറ്ററായി കുറച്ചു എന്നതാണ്. പുതിയ ബ്രെംബോ സ്റ്റൈൽമ ആർ മോണോബ്ലോക്ക് ബ്രേക്ക് കാലിപ്പറുകൾ V4 SPയുടെ പ്രധാന പ്രത്യേകതയാണ്. ഒറ്റ പോക്കിൽ തന്നെ നിരവധി ഘട്ടങ്ങളിൽ നിർത്താൻ കഴിയുന്ന പ്രാപ്തി സ്ട്രീറ്റ്ഫൈറ്റർ V4 SP വാ​ഗ്ദാനം ചെയ്യുന്നുണ്ട്. സ്ട്രീറ്റ്ഫൈറ്റർ V4 SP യിൽ മികച്ച സ്ഥിരതയ്‌ക്കായി മാർഷെസിനി വ്യാജ മഗ്നീഷ്യം വീലുകൾ ഉൾപ്പെടുത്തിയിരിക്കുന്നു. സ്ട്രീറ്റ്ഫൈറ്റർ V4 S-ന്റെ വ്യാജ അലുമിനിയം ചക്രങ്ങളുമായി താരതമ്യപ്പെടുത്തുമ്പോൾ 0.9 കിലോഗ്രാം ഭാരം ലാഭിക്കാൻ ഇത് സഹായിക്കുന്നുണ്ട്.