ദുബായ്: പേപ്പർ രഹിത പേയ്‌മെന്റ് എന്ന സംവിധാനത്തിലേക്ക് മാറുന്നതിന്റെ ഭാഗമായി ദുബായിൽ അക്കൗണ്ട് വഴി വാടക നൽകുന്നതിനുള്ള സംവിധാനം ഉടൻ നടപ്പാക്കും. ഇതനുസരിച്ച് ഇനി വാടക നൽകാൻ ചെക്കുകൾ ഉപയോഗിക്കേണ്ടതില്ല. ദുബായ് ലാൻഡ് ഡിപ്പാർട്‌മെൻറും എമിറേറ്റ്‌സ് എൻ.ബി.ഡിയും ചേർന്നാണ് പുതിയ രീതി നടപ്പാക്കുന്നത്.
ഇതോടെ വാടകക്കാർക്ക് ചെക്കുകൾ മുൻകൂട്ടി നൽകേണ്ടി വരില്ല. പണം യു.എ.ഇ സെൻട്രൽ ബാങ്കിന്റെ ഡയറക്ട് ഡെബിറ്റ് സിസ്റ്റം വഴി ഡിജിറ്റലായി കൈമാറാൻ സാധിക്കും. ദുബായ് ലാൻഡ് ഡിപ്പാർട്‌മെൻറും എമിറേറ്റ്‌സ് എൻ.ബി.ഡിയും ചേർന്നാണ് പുതിയ രീതി നടപ്പാക്കുന്നത്. ഇത് വാടകക്കാർക്കും ഉടമകൾക്കും ഒരുപോലെ സഹായകമാണ്. ദുബായ് സർക്കാറിന്റെ പേപ്പർ രഹിത പേയ്‌മെന്റ് സംവിധാനം എന്ന കാഴ്ചപ്പാടിനൊപ്പം ദുബായ് ടെൻ എക്‌സ് സംരംഭത്തിന്റെ ഭാഗമായി കൂടിയാണ് പദ്ധതി നടപ്പാക്കുന്നത്.
ദുബായിൽ ആസ്തികൾ വാങ്ങാൻ ആഗ്രഹിക്കുന്ന വിദേശ നിക്ഷേപകർക്ക് എമിറേറ്റ്‌സ് എൻ.ബി.ഡിയിൽ നോൺ റസിഡൻറ്‌സ് സേവിംഗ്‌സ് അക്കൗണ്ട് തുടങ്ങാനും അതുവഴി വസ്തുക്കൾ വാങ്ങാനും വാടക ഈടാക്കാനും സൗകര്യമുണ്ടാകും. കടലാസ്‌ രഹിത പേയ്‌മെന്റിനായുള്ള ദുബായ് സർക്കാറിന്റെ വീക്ഷണത്തിന് അനുസരിച്ചാണ് പുതിയ സംരംഭമെന്ന് അധികൃതർ അറിയിച്ചു.
Comments