റാഞ്ചി: വാഹന പരിശോധനയ്ക്കിടെ വനിതാ പോലീസ് ഉദ്യോഗസ്ഥ കൊല്ലപ്പെട്ടു. ജാർഖണ്ഡിലെ റാഞ്ചിയിലുള്ള ടുപുഡാന സ്റ്റേഷനിലെ സബ് ഇൻസ്‌പെക്ടറായ സന്ധ്യയാണ് കൊല്ലപ്പെട്ടത്. പശുക്കടത്ത് സംഘമാണ് സന്ധ്യയെ വാഹനം കയറ്റി കൊലപ്പെടുത്തിയതെന്ന് കരുതുന്നു.
പശുക്കടത്ത് നടത്തിയ വാഹനത്തെക്കുറിച്ചുള്ള രഹസ്യ വിവരം സന്ധ്യയ്‌ക്ക് നേരത്തെ ലഭിച്ചിരുന്നു. തുടർന്ന് വാഹന പരിശോധന കർശനായി നടത്തുമ്പോഴാണ് പശുക്കടത്ത് സംഘം എത്തിയത്. വാഹനം നിർത്താതെ പോയപ്പോൾ സന്ധ്യ അവരെ പിന്തുടർന്നു. എന്നാൽ കള്ളക്കടത്ത് സംഘത്തിന്റെ വാഹനം അമിത വേഗതയിൽ സന്ധ്യയുടെ ജീപ്പിന് നേരെ ഓടിച്ചുകയറ്റി. പോലീസ് വാഹനം തകരുകയും എസ്‌ഐ സന്ധ്യയ്‌ക്ക് ഗുരുതരമായി പരിക്കേൽക്കുകയും ചെയ്തു.
ആശുപത്രിയിൽ എത്തിച്ചപ്പോഴേക്കും സന്ധ്യയുടെ മരണം സംഭവിച്ചിരുന്നു. പോലീസ് നടത്തിയ അന്വേഷണത്തിൽ പശുക്കടത്ത് സംഘത്തിലെ പ്രധാനിയെയും അവരുടെ വാഹനവും പിടികൂടിയിട്ടുണ്ടെന്ന് റാഞ്ചി എസ്എസ്പി അറിയിച്ചു.
Comments