എറണാകുളം: കോഴി ഫാം ഉടമയ്ക്കെതിരെ പരാതിയുമായി അയൽവാസി. കളമശ്ശേരി റോക്ക്വെൽ റോഡിലാണ് സംഭവം. കോഴികൾ കൂവുന്നതിനാൽ കിടന്നുറങ്ങാൻ കഴിയുന്നില്ലെന്ന് ചൂണ്ടിക്കാട്ടിയാണ് നഗരസഭയ്ക്ക് അയൽവാസി പരാതി നൽകിയത്.
നഗരസഭയിൽ നിന്നാണ് ഫാം ഉടമ കോഴികളെ വാങ്ങിയത്. ഇവിടെ നിന്നുള്ള കോഴികൾ തന്റെ വീട്ടിൽ വന്ന് മുട്ടയിടാറുണ്ട്. എന്നാൽ ഇതിൽ തനിക്ക് പരാതിയില്ല. എന്നാൽ കോഴികളുടെ കൂവൽ സഹിക്കാൻ കഴിയുന്നില്ല. ഇത് മൂലം ഉറങ്ങാൻ കഴിയുന്നില്ലെന്നും നഗരസഭയ്ക്ക് നൽകിയ പരാതിയിൽ പറയുന്നു.
പരാതിയുടെ അടിസ്ഥാനത്തിൽ സ്ഥലത്തെത്തിയ നഗരസഭാ അധികൃതർ ഫാമും പരിസരവും പരിശോധിച്ചു. ഇതിന് പിന്നാലെ കോഴികളുടെ കൂവൽ സഹിക്കാൻ കഴിയുന്നില്ലെന്ന് കാണിച്ച് ഉദ്യോഗസ്ഥരെയും വീട്ടുകാരെയും അയൽവാസി ഫോണിൽ വിഴിച്ച് പരാതി ബോധിപ്പിച്ചിട്ടുണ്ട്.
