തിരുവനന്തപുരം: ആയിരം രൂപയ്‌ക്ക് മുകളിലുള്ള വൈദ്യുതി ബില്ലുകൾ ഇനി കെഎസ്ഇബിയുടെ കൗണ്ടറുകളിൽ സ്വീകരിക്കില്ല. അവ ഓൺലൈനായി മാത്രം സ്വീകരിച്ചാൽ മതിയെന്നും അടുത്ത മാസം മുതൽ ഉപഭോക്താക്കൾ സഹകരിക്കണമെന്നും കെഎസ്ഇബി ആവശ്യപ്പെടുന്നു. സമ്പൂർണ ഡിജിറ്റൽവത്കരണത്തിന്റെ ഭാഗമായാണ് ഉത്തരവ്. 500 രൂപയ്‌ക്ക് മുകളിലുള്ള ബില്ലുകളും കൗണ്ടറുകളിൽ അടയ്‌ക്കുന്നത് നിരുത്സാഹപ്പെടുത്തുമെന്നും കെഎസ്ഇബി അറിയിക്കുന്നു.
നിലവിൽ 2,000 രൂപയ്‌ക്ക് മുകളിലാണ് ബില്ലെങ്കിൽ അത് ഓൺലൈൻ ആയി മാത്രമാണ് കെഎസ്ഇബി സ്വീകരിച്ചിരുന്നത്. ഈ തീരുമാനത്തിലാണ് കെഎസ്ഇബി മാറ്റം വരുത്തിയിരിക്കുന്നത്. ഓൺലൈൻ പേയ്‌മെന്റ് 50 ശതമാനത്തിൽ താഴെ മാത്രമാണെന്ന വിലയിരുത്തലിൽ ഡിജിറ്റൽ പേയ്‌മെന്റ് പ്രോത്സാഹിപ്പിക്കുക എന്ന ലക്ഷ്യത്തോടെയാണ് പുതിയ തീരുമാനം.
എന്നാൽ, ഓൺലൈൻ ബാങ്കിങ്, യുപിഐ, ഡിജിറ്റൽ പേയ്‌മെന്റ് എന്നിവയെക്കുറിച്ച് ധാരണയില്ലാത്ത, ഉപയോഗിച്ച് പരിചയമില്ലാത്തയാളുകൾക്ക് ഇത് കനത്ത തിരിച്ചടിയാകുമെന്നാണ് വിലിയിരുത്തൽ. അതിനാൽ പുതിയ തീരുമാനത്തിൽ ബുദ്ധിമുട്ടുണ്ടാകുന്ന ഉപഭോക്താക്കൾക്ക് വളരെ കുറിച്ച് തവണത്തേക്ക് ഇളവുകൾ നൽകിയേക്കുമെന്നാണ് വിവരം.
Comments