ഡൽഹി : രാജ്യം പഴയകാലത്തെ അപേക്ഷിച്ച് കൂടുതൽ ശക്തമായിക്കൊണ്ടിരിക്കുകയാണെന്ന് ആർ എസ് എസ് സർകാര്യവാഹ്‌ ദാത്താത്രേയാ ഹൊസബൊളെ . വിവിധ മേഖലകളിലായി അത് പ്രതിഭലിക്കുന്നുണ്ട് . അതോടൊപ്പം രാജ്യത്തെ മുഴുവൻ ജനങ്ങൾക്കും പാർപ്പിടവും , വസ്ത്രവും , ആഹാരവും മിതമായ നിരക്കിൽ ലഭിക്കുന്നുണ്ടെന്നും അദ്ദേഹം പറഞ്ഞു . നാളിതുവരെയായി കേന്ദ്രസർക്കാർ രാജ്യത്തിന്റെ വളർച്ചക്കും ഉന്നമനത്തിനായി ചെയ്തുകൊണ്ടിരിക്കുന്ന കാര്യങ്ങൾ വളരെ മികച്ചതാണ് . സാധാരണ ജനങ്ങൾക്ക് പോലും സർക്കാർ അനൂകൂല്യങ്ങൾ ലഭിക്കുന്നുണ്ട് . രാജ്യത്തെ ജനങ്ങൾ കൂടുതൽ ഉയർന്ന ചിന്താഗതി വച്ചുപുലർത്തുന്ന സാഹചര്യത്തിലേക്ക് മാറിയിരിക്കുന്നു എന്ന് അദ്ദേഹം കൂട്ടിചേർത്തു .
കാർഷിക മേഖലയിൽ ആനുകൂല്യങ്ങൾ ധാരാളമായി നൽകുന്നത് മൂലം രാജ്യത്തെ കർഷകരെല്ലാം അഭിവൃദ്ധിപ്പെടുന്ന സാഹചര്യത്തിലേക്ക് മാറിയിരിക്കുകയാണ് . വിവിധ മേഖലകളിൽ അത് പ്രതിഭലിക്കുന്നുണ്ട് . എന്നാൽ പ്രതിപക്ഷ പാർട്ടികൾ ഒന്നടങ്കം കർഷകരെ ദ്രോഹിക്കുന്ന സമീപനമാണ് നടത്തുന്നത് . കേന്ദ്ര സർക്കാരിനെതിരെ അനാവശ്യ സമരമാണ് നടത്തുന്നതെന്നും അദ്ദേഹം പറഞ്ഞു . ഇന്ത്യൻ കൗൺസിൽ ഓഫ് അഗ്രിക്കൾച്ചർ റിസേർച്ചും , ഭാരതീയ അഗ്രോ എക്കണോമിക്‌ റിസേർച്ച് സെന്ററുമായി ചേർന്ന് ആർ എസ്സ് എസ്സ് പരിവാർ സംഘടനയായ ഭാരതീയ കിസാൻ സംഘ് സംഘടിപ്പിച്ച അന്താരാഷ്‌ട്ര കാർഷിക സമ്മേളനത്തിൽ പങ്കെടുക്കവെയാണ് അദ്ദേഹം ഇക്കാര്യം പറഞ്ഞത് .
ആഗോളതലത്തിൽ ഉണ്ടാകുന്ന സാമ്പത്തിക ബുദ്ധിമുട്ട് ഇന്ത്യയെയും ബാധിക്കുന്നുണ്ട് . അത് മറികടക്കാനുള്ള പ്രവർത്തനം സർക്കാർ നടത്തുന്നുണ്ട് . സാധാരണ ജനങ്ങൾക്ക് ആഹാരവും , പാർപ്പിടവും, വസ്ത്രവുമാണ് അടിസ്ഥാനമായി ആവശ്യമായിട്ടുള്ളത് . എന്നാൽ അതിൽ കൃത്യമായ ഇടപെടലുകൾ നടക്കുന്നുണ്ടെന്നും അദ്ദേഹം പറഞ്ഞു . കാർഷിക മേഖലയിലെ വളർച്ച അത്ഭുതാവഹമാണെന്നും കഴിഞ്ഞ 75 വർഷത്തിനിടയിൽ ഇന്ത്യ ഭിക്ഷാടന പാത്രത്തിൽ നിന്നും കയറ്റുമതി രാജ്യമായി വളർന്നു എന്നും അദ്ദേഹം പറഞ്ഞു .
പഴയ ഭാരതമല്ല ഇത് . ഇന്ന് നമ്മൾ സ്വന്തമായി ഉൽപ്പാദനം കൂടുതൽ ഉള്ളവരാണെന്നും , ആ ബഹുമതി രാജ്യത്തെ കർഷകർക്കും , ശാസ്ത്രജ്ഞർക്കും ,സർക്കാരിനും അർഹതപ്പെട്ടതാണ്. ഇന്ത്യ ധാന്യങ്ങളിലും മറ്റു സംരംഭങ്ങളിലും സ്വാശ്രയത്വം മാത്രമല്ല മറ്റുള്ളവർക്കും ആശ്രയമായിരിക്കുകയാണ് . .കർഷകരെ കൂടുതൽ നമ്മൾ പ്രോത്സാഹിപ്പിക്കണം . അതിന്റെ ഗുണം രാജ്യത്തെ മുഴുവൻ ജനങ്ങൾക്കും ലഭിക്കുമെന്നും കാർഷികമേഖലയിൽ നാം വിപ്ലവും സൃഷ്ടിക്കുകയാണെന്നും അദ്ദേഹം കൂട്ടി ചേർത്തു .
Comments