അക്സലിന് വീരോചിത വിട നൽകി സൈന്യം; നൊമ്പരമായി അവസാന സല്യൂട്ടും

ന്യൂഡൽഹി: കശ്മീരിലെ ബാരമുള്ളയിൽ ഭീകരർ നടത്തിയ വെടിവെയ്പിൽ പരിക്കേറ്റ് ജീവൻ നഷ്ടമായ ആർമി ഡോഗ് അക്‌സലിനു ആദരാഞ്ജലിയർപ്പിച്ച് സൈന്യം. ബാരമുള്ളയിലെ കിലോ ഫോഴ്‌സ് കമാൻഡറാണ് ചടങ്ങുകൾക്ക് നേതൃത്വം വഹിച്ചത്. ഭീകരർ നടത്തിയ വെടിവെയ്പിൽ പരിക്കേറ്റ് ജീവൻ നഷ്ടമായത്.

Baramulla, J&K | Last respects being paid to the Indian Army's dog, Axel, who lost its life in action after being hit by a bullet in an operation yesterday pic.twitter.com/72Wjx1XAEg

— ANI (@ANI) July 31, 2022

രണ്ട് വയസുകാരനായ അക്‌സൽ ഇന്ത്യൻ സൈന്യത്തിന്റെ 26-ാം ഡോഗ് യൂണിറ്റിലെ നായ ആണ്. രാഷ്‌ട്രീയ റൈഫിൾസ് 26 ഉം രാഷ്‌ട്രീയ റൈഫിൾസ് 10 ഉം സംയുക്തമായി ഭീകരരുമായി ഏറ്റുമുട്ടുന്നതിനിടയിലാണ് നായയ്‌ക്ക് വെടിയേൽക്കുന്നത്. അക്‌സലിനൊപ്പം ബാലാജി എന്ന നായയും ഉണ്ടായിരുന്നു. ഭീകരർ ഒളിച്ചിരിക്കുന്നതായി സംശയിക്കുന്ന കെട്ടിടത്തിലേക്ക് ആദ്യം ബാലാജിയും പിന്നാലെ അക്സലും പോയി. ആദ്യ മുറിയിൽ പരിശോധന നടത്തി രണ്ടാമത്തെ മുറിയിലേക്ക് കടന്നതും ഭീകരർ അക്സലിന് നേരെ വെടിയുതിർക്കുകയായിരുന്നു. വെടിയേറ്റ് 15 സെക്കന്റുകൾക്കുള്ളിൽ അക്സലിന് ജീവൻ നഷ്ടമായി എന്നാണ് പ്രാഥമിക വിവരം.

സൈന്യവും ഭീകരരും തമ്മിലുള്ള വെടിവെയ്പ്പ് അവസാനിപ്പിച്ച ശേഷമാണ് അക്‌സൽ മരണപ്പെട്ടതായി തിരച്ചറിഞ്ഞതും മൃതദേഹം കണ്ടെടുത്തുത്തതും. ഏറ്റുമുട്ടലിൽ ഒരു ഭീകരനെ സുരക്ഷാസേന വധിച്ചു.