കൊല്ലം: ഇരവിപുരത്ത് യുവാക്കൾക്ക് നേരെ മദ്യപസംഘത്തിന്റെ ക്രൂരമർദ്ദനം. ഇരവിപുരം സ്വദേശികളായ അനന്തു, നീലകണ്ഠൻ എന്നിവർക്ക് നേരെയാണ് ആക്രമണം ഉണ്ടായത്. ചിപ്സ് നൽകിയില്ലെന്ന് ആരോപിച്ചായിരുന്നു ആക്രമണം.
വൈകീട്ടോടെയായിരുന്നു സംഭവം. നാലംഗ സംഘമാണ് യുവാക്കളെ ക്രൂരമായി മർദ്ദിച്ചത്. ഇരുവരും സുഹൃത്തിന്റെ വീട്ടിലേക്ക് പോകുകയായിരുന്നു. ഇതിനിടെ കയ്യിലുണ്ടായിരുന്ന ചിപ്സ് തങ്ങൾക്ക് വേണമെന്ന് മദ്യപ സംഘം ആവശ്യപ്പെടുകയായിരുന്നു. തുടർന്ന് അസഭ്യം പറയുകയും മർദ്ദിക്കുകയും ചെയ്തു.
തുടർന്ന് യുവാക്കളുടെ പണവും, ഒരാളുടെ സ്വർണ മാലയും ഇവർ തട്ടിയെടുത്തു. ആക്രമണത്തിൽ നീലകണ്ഠന് സാരമായി പരിക്കേറ്റിട്ടുണ്ട്. നീലകണ്ഠൻ കൊല്ലം ജില്ലാ ആശുപത്രിയിൽ ചികിത്സയിലാണ്.
Comments