ഹർ ഘർ തിരംഗ; മോഹൻലാലിന് ​ദേശീയ പതാക കൈമാറി കേന്ദ്രമന്ത്രി വി.മുരളീധരൻ- Azadi@75, Mohanlal

തിരുവനന്തപുരം: പ്രധാനമന്ത്രി നരേന്ദ്രമോദി ആഹ്വാനം ചെയ്ത ഹർ ഘർ തിരംഗ ക്യാമ്പെയിനിന്റെ ഭാ​ഗമായി നടൻ മോഹൻലാലിനെ സന്ദർശിച്ച് കേന്ദ്രമന്ത്രി വി.മുരളീധരൻ. എല്ലാ ഭവനങ്ങളിലും ദേശീയ പതാക എന്ന പരിപാടിയുടെ ഭാഗമായി പ്രമുഖർക്ക് ദേശീയ പതാക കൈമാറുന്നതിന്റെ ഭാ​ഗമായാണ് സന്ദർശനം. ദേശീയ പതാകയോടൊപ്പം മോദി @ 20 എന്ന പുസ്തകവും മന്ത്രി മോഹൻലാലിന് നൽകി.

ഓഗസ്റ്റ് 13 മുതൽ 15 വരെ എല്ലാ ഭവനങ്ങളിലും ദേശീയ പതാക ഉയർത്തി സ്വാതന്ത്ര്യത്തിന്റെ എഴുപത്തിയഞ്ചാം വാർഷികാഘോഷത്തിൽ പങ്കാളികളാകണമെന്നാണ് പ്രധാനമന്ത്രി ആഹ്വാനം ചെയ്തിരിക്കുന്നത്. സാഹോദര്യവും, സഹവർത്തിത്വവും, ദേശീയ ഐക്യവും ഊട്ടി ഉറപ്പിക്കുന്നതിന് വേണ്ടിയാണ് പ്രധാനമന്ത്രിയുടെ ആഹ്വാനം. ഇതിന്റെ ഭാഗമായി സംസ്ഥാനത്ത് വിവിധ പരിപാടികൾ സംഘടിപ്പാക്കാനാണ് ബിജെപി തീരുമാനം.

വയനാട്ടിലെ ആദിവാസി കോളനികളിൽ ബിജെപി വക്താവ് സന്ദീപ് വാര്യർ നേരിട്ടെത്തി ദേശീയ പതാകകൾ വിതരണം ചെയ്തു. യുവമോർച്ചയുടെ നേതൃത്വത്തിൽ സംസ്ഥാനത്ത് വിവിധ ഇടങ്ങളിൽ സ്വാതന്ത്ര്യത്തിന്റെ 75-ാം വാർഷികത്തോടനുബന്ധിച്ച് തിരംഗ യാത്രാ റാലിയും പൊതുസമ്മേളനവും നടത്തി വരികയാണ്. ബിജെപി സംസ്ഥാന അദ്ധ്യക്ഷൻ കെ.സുരേന്ദ്രനും ക്യാമ്പെയിനിന്റെ ഭാ​ഗാമായി യാത്രയിലാണ്. 1937 ജനുവരി 1 ന് പത്തനംതിട്ട ജില്ലയിലെ ഇലന്തൂരിൽ എത്തി മഹാത്മാഗാന്ധിയെ ദേശഭക്തിഗാനം ആലപിച്ച് സ്വീകരിച്ച ഉടയൻകാവിൽ കെ മീനാക്ഷിയമ്മക്ക് കെ.സുരേന്ദൻ ദേശീയ പതാക കൈമാറി.