സിനിമാ താരങ്ങളോടുള്ള ആരാധനയിൽ പാലഭിഷേകം ഉൾപ്പെടെ നടത്തുന്ന രീതികൾ നാം കണ്ടിട്ടുണ്ട്. എന്നാൽ പരീക്ഷ തന്നെ ബഹിഷ്‌കരിച്ചതിനെ പറ്റി കേട്ടിട്ടുണ്ടോ. അത്തരത്തിലോരു സംഭവം നടന്നിരിക്കുകയാണ് ബെംഗളൂരു സർവകലാശാലയിൽ. ബോളിവുഡ് നടി സണ്ണി ലിയോണിന്റെ ജന്മദിനം ആയതിനാൽ പരീക്ഷ എഴുതാൻ ആവില്ല എന്നാണ് കർണ്ണാടകയിലെ ബിരുദ വിദ്യാർത്ഥി ഉത്തരക്കടലാസിൽ കുറിച്ചത്.
പരിക്ഷാ പേപ്പരിൽ ഉത്തരങ്ങൾക്ക് പകരം ഇങ്ങനെ കുറിച്ചത് ഒന്നാം വർഷ ബിരുദ കോഴ്‌സിന്റെ ആദ്യ സെമസ്റ്ററിലെ ഹിസ്റ്ററി പരിക്ഷയെഴുതിയ വിദ്യാർത്ഥിയാണ്.
‘ഇന്ന് സണ്ണി ലിയോണിന്റെ ജന്മദിനമാണ്. സണ്ണി ലിയോൺ എന്റെ കാമുകിയാണ്. അവരുടെ ജന്മദിനമായതിനാൽ ഞാൻ ഇന്ന് പരീക്ഷയെഴുതുന്നില്ല’.-ഉത്തരക്കടലാസിൽ വിദ്യാർത്ഥി കുറിച്ച വാചകങ്ങൾ ഇങ്ങനെയാണ്. ഇവയ്‌ക്ക് പുറമെ സണ്ണി ലയോണിന് ആശംസ നേരാനും കൂട്ടുകാരോട് ഉത്തരക്കടലാസിലൂടെ യുവാവ് ആവശ്യപ്പെടുന്നുണ്ട്.
അതേസമയം ഈ വിചിത്രമായ ഉത്തരക്കടലാസ് കണ്ടെത്തിയത് കഴിഞ്ഞ മേയിൽനടത്തിയ പരീക്ഷയുടെ മൂല്യനിർണയം നടത്തിയ അധ്യാപകനാണ് . പരീക്ഷയുടെ മൂല്യനിർണയം ഇപ്പോഴാണ് നടക്കുന്നത്. പിന്നാലെയാണ് സംഭവം പുറത്ത് വന്നത്.
Comments