തിരുവനന്തപുരം: ആസാദി കാ അമൃത് മഹോത്സവത്തിന്റെ ഭാഗമായി പ്രധാനമന്ത്രി ആഹ്വാനം ചെയ്ത ഹർ ഘർ തിരംഗ ക്യാമ്പയിൻ ഏറ്റെടുത്ത് പ്രമുഖർ. ബിജെപി ദേശീയ ഉപാദ്ധ്യക്ഷൻ എപി അബ്ദുള്ളക്കുട്ടിയുടെയും രാജ്യസഭാംഗവും ഒളിമ്പ്യനുമായ പിടി ഉഷയുടെയും വീട്ടിൽ ദേശീയ പതാക ഉയർത്തി.
രാവിലെ തറവാട്ടിൽ തന്റെ മാതാവാണ് പതാക ഉയർത്തിയതെന്നും മക്കളും മരുമക്കളും ചേർന്ന് ചടങ്ങ് ആവേശകരമാക്കിയെന്നും അബ്ദുള്ളക്കുട്ടി അറിയിച്ചു. വീട്ടിൽ പതാക ഉയർത്തുന്ന ദൃശ്യങ്ങളും അദ്ദേഹം സമൂഹമാദ്ധ്യമങ്ങളിലൂടെ പങ്കുവെച്ചു.
ഹർ ഘർ തിരംഗ ക്യാമ്പയിൻ ഏറ്റെടുത്ത് വീട്ടിൽ പതാക ഉയർത്തുന്ന ദൃശ്യങ്ങൾ പിടി ഉഷയും പങ്കുവെച്ചു. ഭാരതാംബയ്‌ക്ക് ആദരവർപ്പിച്ചുകൊണ്ട് തന്റെ വീട്ടുകാർ ക്യാമ്പയിനിന്റെ ഭാഗമായെന്ന് പിടി ഉഷ പറഞ്ഞു. രാഷ്‌ട്രനിർമാണത്തിനായി തങ്ങൾ പ്രതിജ്ഞാബദ്ധമാണെന്നും അവർ കൂട്ടിച്ചേർത്തു. ഉഷയുടെ മാതൃസഹോദരൻ നാരായണനോടൊപ്പം അമ്മ ലക്ഷ്മിയാണ് വീട്ടിൽ പതാക ഉയർത്തിയത്.
ക്യാമ്പയിനിന്റെ ഭാഗമായി മമ്മൂട്ടി, മോഹൻലാൽ, സുരേഷ് ഗോപി തുടങ്ങി നിരവധി സിനിമാ താരങ്ങളും വീട്ടിൽ ദേശീയ പതാക ഉയർത്തിയിരുന്നു.
Comments