ന്യൂഡൽഹി : രാജ്യം 76-ാം സ്വാതന്ത്ര്യദിനം ആഘോഷിക്കുന്ന വേളയിൽ കോടിക്കണക്കിന് ആളുകളാണ് ഹർ ഘർ തിരംഗയുടെ ഭാഗാമാകുന്നത്. പ്രധാനമന്ത്രി നരേന്ദ്ര മോദിയുടെ ആഹ്വാനത്തെ പിന്തുണച്ചുകൊണ്ട് ബോളിവുഡിലെ പ്രമുഖർ ഉൾപ്പെടെ നിരവധിയാളുകൾ വീടുകളിലും മറ്റും പതാകയുയർത്തിക്കഴിഞ്ഞു. ദേശീയ പതാകയുമായി ഓടിക്കൊണ്ടാണ് ബോളിവുഡ് താരം അനിൽ കപൂർ ക്യാമ്പെയ്നിന്റെ ഭാഗമായത്.
ഇൻസ്റ്റഗ്രാമിലൂടെയാണ് താരം വീഡിയോ പങ്കുവെച്ചത്. മുംബൈയിലെ ഗ്രൗണ്ടിലൂടെയാണ് അദ്ദേഹം പതാകയുമായി ഓടിയത്. ”സ്വതന്ത്ര ഇന്ത്യയുടെ 75 ാം വാർഷികം.. തലയുയർത്തിപ്പിടിച്ച് മുന്നേറുക. ജയ് ഹിന്ദ്” എന്നും അനിൽ കപൂർ കുറിച്ചു. 65ാം വയസ്സിൽ അനിൽ കപൂറിന്റെ ഫിറ്റ്നസും ഊർജവും കണ്ട് ആരാധകർ അമ്പരന്നിരിക്കുകയാണ്.
അതേസമയം നിരവധി ബോളിവുഡ് താരങ്ങൾ സ്വാതന്ത്ര്യദിനാശംസകൾ നേർന്നുകൊണ്ട് രംഗത്തെത്തിയിട്ടുണ്ട്. ക്ഷേത്രത്തിലെ വിഗ്രഹങ്ങളിൽ ദേശീയ പതാകയുടെ നിറങ്ങളിലുളള ഉടയാടകൾ അണിയിച്ച ദേവീദേവന്മാരുടെ ചിത്രം പങ്കുവെച്ചുകൊണ്ട് അമിതാഭ് ബച്ചൻ സ്വാതന്ത്ര്യദിനാശംസകൾ നേർന്നു.
T 4379 –
श्रावण वद्य चतुर्थी, संकष्ट चतुर्थी (चंद्रोदय रात्रौ ०९.४४), शुभ दिवस, श्रावणी सोमवार शिवपूजन – शिवामूठ-मुग, ७६ वा स्वातंत्र्य दिन(अमृत महोत्सव), पारसी बांधवांचा सण पतेती, श्रीकृष्ण जन्माष्टमी उत्सवा निमित्त मंदिरातील आजचा राष्ट्रीय पोशाख तिरंगा, pic.twitter.com/2GsYn9I7Or— Amitabh Bachchan (@SrBachchan) August 15, 2022
നാവിക ഉദ്യോഗസ്ഥരോടൊപ്പം ഇന്ത്യ പതാകയേന്തി നിൽക്കുന്ന ചിത്രമാണ് നടൻ സൽമാൻ ഖാൻ പങ്കുവെച്ചിരിക്കുന്നത്. ബോളിവുഡ് താരം ഷാറൂഖ് ഖാനും കുടുംബവും വീട്ടിൽ പതാകയുയർത്തിയ വീഡിയോ കഴിഞ്ഞ ദിവസം പങ്കുവെച്ചിരുന്നു.
