അബുദാബി : യു.എ.ഇയിലെ പ്രവാസി ഭാരതീയരുടെ കൂട്ടായ്മയായ എഫ്.ഒ .ഐ സി.എസ്.ആർ ആക്റ്റിവിറ്റി രക്തദാന ക്യാമ്പ് സംഘടിപ്പിച്ചു.ദുബായ് ഹെൽത്ത് അതോറിറ്റിയുടെ സഹകരണത്തോടെ നടന്ന പരിപാടിയിൽ 200 ഓളം രക്തദാതാക്കൾ പങ്കെടുത്തു.ദുബായ് ലത്തീഫ ഹോസ്പിറ്റലിലാണ് ക്യാമ്പ് നടന്നത്.
ശനിയാഴ്ച രാവിലെ 8 മുതൽ ഉച്ചക്ക് 2 മണിവരെയാണ് ക്യാംപ് നടന്നത്.എഫ്.ഒ.ഐ ഇവെന്റ്‌സ് ഒരുക്കിയ മെഗാ രക്തദാന ക്യാമ്പ് ജനപങ്കാളിത്തം കൊണ്ട് ശ്രദ്ധേയമായി . ഇന്ത്യൻ കോൺസുൽ ഫോർ കമ്മ്യൂണിറ്റി അഫയേഴ്‌സ് ഉത്തം ചന്ദ് ക്യാംപിലെ മുഖ്യാതിഥി ആയിരുന്നു.ഇന്ത്യൻ കോൺസുലേറ്റുമായി സഹകരിച്ച് സംഘടിപ്പിച്ച ക്യാമ്പിൽ സ്ത്രീകളും ,തൊഴിലാളികളുമടക്കം സമൂഹത്തിലെ വിവിധ മേഖലകളിൽ നിന്നുളള നിരവധി പേർ പങ്കെടുത്തു.
ഓരോ വർഷത്തിലും നിരവധി തവണ എഫ്.ഒ .ഐ, സി.എസ്.ആർ ആക്റ്റിവിറ്റി രക്തദാന ക്യാമ്പ് സംഘടിപ്പിക്കാറുണ്ട്.ജനം ടിവിയായിരുന്നു പരിപാടിയുടെ ഔദ്യോഗിക മാദ്ധ്യമ പങ്കാളി.
Comments