ഇന്ത്യൻ നിരത്തുകളിൽ ‘മഹീന്ദ്ര’ബാഹുബലി തന്നെ; പുതിയ അഞ്ച് ഇലക്ട്രിക് എസ്‌യുവികൾ- Mahindra, Electric SUV

ആഭ്യന്തര എസ്‌യുവി നിർമ്മാതാക്കളായ മഹീന്ദ്ര പുതിയ അഞ്ച് ഇലക്ട്രിക് എസ്‌യുവികൾ പുറത്തിറക്കുന്നു. ഇന്ത്യൻ ഇലക്ട്രിക് വാഹന വിപണിയിൽ കരുത്ത് വർദ്ധിപ്പിക്കാനാണ് കമ്പനിയുടെ നീക്കം. 2024- ൽ കമ്പനിയുടെ ആദ്യ ഇലക്ട്രിക് എസ്‌യുവി എത്തുമെന്നാണ് റിപ്പോർട്ടുകൾ. ഒരു പുതിയ മോഡുലാർ INGLO (ഇന്ത്യൻ ഗ്ലോബൽ) സ്കേറ്റ്ബോർഡ് ആർക്കിടെക്ചറിനെ അടിസ്ഥാനമാക്കിയുള്ളതാണ് മഹീന്ദ്രയുടെ ഇലക്ട്രിക് എസ്‌യുവികൾ. ടാപ്പിൽ 250kW (335 bhp) വരെ ശേഷിയുള്ള റിയർ-ഓൾ-വീൽ ഡ്രൈവ് പ്ലാറ്റ്‌ഫോമുകളെയും 60-80 kWh മുതൽ 175kW വരെ വേഗതയുള്ള ചാർജിംഗ് ശേഷിയുള്ള വലിപ്പമേറിയ ബാറ്ററിയേയും താങ്ങാൻ കഴിയുന്നതാണ് INGLO പ്ലാറ്റ്‌ഫോം.

മഹീന്ദ്രയുടെ പുതിയ ഇവി ശ്രേണി രണ്ട് വ്യത്യസ്ത ബ്രാൻഡുകൾക്ക് കീഴിലായിരിക്കും. XUV.e, BE എന്നിങ്ങനെ രണ്ടായി തരംതിരിച്ചിരിക്കുന്നു. XUV ബ്രാൻഡിന്റെ കീഴിൽ 2026 അവസാനത്തോടെ 2 ഇലക്ട്രിക് എസ്‌യുവികൾ പുറത്തിറക്കും. BE ബ്രാൻഡിന്റെ കീഴിൽ ഒരേ കാലയളവിൽ രണ്ട് EV-കൾ അടക്കം മുഴുവൻ 3 വാഹനങ്ങൾ അവതരിപ്പിക്കുമെന്നും മഹീന്ദ്ര പറയുന്നു. കോപ്പറിൽ ഫിനിഷ് ചെയ്ത കമ്പനിയുടെ ട്വിൻ പീക്‌സ് ലോഗോയാണ് എക്‌സ്‌യുവി ബ്രാൻഡിനെ തിരിച്ചറിയാൻ സഹായിക്കുന്നത്. XUV.e8, XUV.e9, BE.05, BE.07, BE.09 എന്നിവയാണ് കമ്പനിയുടെ 5 ഇലക്ട്രിക് എസ്‍യുവികൾ.

അഞ്ച് എസ്‍യുവികളിൽ നാലെണ്ണം 2026 അവസാനത്തോടെ ഉൽപ്പാദനം ആരംഭിക്കുമെന്ന് മഹീന്ദ്ര സ്ഥിരീകരിച്ചു. ഇലക്ട്രിക് XUV ബ്രാൻഡിന് കീഴിലുള്ള കമ്പനിയുടെ മോഡലുകളായിരിക്കും ആദ്യം വിപണിയിൽ എത്തുക. 2024 ഡിസംബറിൽ XUV.e8 വാഹനം ആദ്യം പുറത്തിറക്കും. XUV.e8-ൽ ഓൾ-വീൽ ഡ്രൈവ് സജ്ജീകരണം ഉണ്ടാകുമെന്ന് മഹീന്ദ്ര സ്ഥിരീകരിച്ചു. 4740 എംഎം നീളവും 1900 എംഎം വീതിയും 1760 എംഎം ഉയരവും ആയിരിക്കും ഈ എസ്‍യുവിയ്‌ക്ക് നൽകുക. ഇത് ടൊയോട്ട ഫോർച്യൂണറിനെ അപേക്ഷിച്ച് 55 എംഎം നീളം കുറവാണ്. 2762 എംഎം വീൽബേസിന് ടൊയോട്ടയേക്കാൾ 7 എംഎം നീളമുണ്ട്. അളവുകൾ പ്രകാരം മഹീന്ദ്ര XUV 700 ന് മുകളിലാണ് XUV.e8. 2025 ഏപ്രിലിൽ XUV e.9 ലോഞ്ച് ചെയ്യും. e8-നേക്കാൾ e9-ന് 50mm നീളവും കൂപ്പെ റൂഫ്-ലൈനും 1690 mm ഉയരം കമ്പനി വാ​ഗ്ദാനം നൽകുന്നു. വീൽബേസ് 2775 എംഎം ആയിരിക്കും.

രണ്ട് XUV.e ബ്രാൻഡുകൾ പുറത്തിറക്കിയ ശേഷം BE ബ്രാന്റിലെ BE.05 ആയിരിക്കും ആദ്യം വരിക. ഒരു സ്‌പോർട്‌സ് ഇലക്‌ട്രിക് വാഹനം കൂടിയാരിക്കും ഇത്. BE.05 ന് പിന്നാലെ BE.07, BE.09 വാഹനങ്ങളും വിപണിയിലെത്തും. 5-സ്റ്റാർ ഗ്ലോബൽ എൻസിഎപി റേറ്റിംഗ് നേടുന്നതുൾപ്പെടെ സുരക്ഷയിൽ ഏറ്റവും ഉയർന്ന നിലവാരം പുലർത്തുന്നതായിരിക്കും പുതിയ 5 ഇലക്ട്രിക് എസ്‌യുവികളെന്നും മഹീന്ദ്ര ഉറപ്പ് നൽകുന്നു. കൂടാതെ, പുതിയ INGLO പ്ലാറ്റ്‌ഫോം ബോർഡിൽ 5 റഡാർ സെൻസറുകളുള്ള ഓട്ടോണമസ് ഡ്രൈവർ അസിസ്റ്റൻസ് സിസ്റ്റങ്ങളും വാഹനത്തിന് ഉണ്ടായിരിക്കും.