ഇടുക്കി : മറയൂരിൽ 13 വയസുകാരിയെ പീഡിപ്പിച്ച രണ്ടാനച്ഛന് ശിക്ഷ വിധിച്ച് കോടതി. പ്രതിക്ക് 30 വർഷം തടവും ഒന്നര ലക്ഷം രൂപ പിഴയുമാണ് ഇടുക്കി ഫാസ്റ്റ് ട്രാക്ക് കോടതി വിധിച്ചത്. ഇടുക്കി മറയൂർ പൊലീസ് രജിസ്റ്റർ ചെയ്ത കേസിലാണ് വിധി.
വീട്ടിൽ അമ്മയില്ലാത്ത സമയത്ത് കുട്ടിയെ രണ്ടാനച്ഛൻ ലൈംഗിക അതിക്രമത്തിന് ഇരയാക്കിയെന്നാണ് കേസ്. 13 കാരിയുടെയും സംഭവ സമയത്ത് കൂടെ ഉണ്ടായിരുന്ന സഹോദരിയുടെയും മൊഴിയുടെ അടിസ്ഥാനത്തിലാണ് കോടതി വിധി. വിചാരണയ്ക്കിടെ കുട്ടിയുടെ അമ്മ പ്രതിയ്ക്ക് അനുകൂലമായി കൂറുമാറിയിരുന്നു. എന്നാൽ പിന്നീട് സത്യം തെളിഞ്ഞു.
