ന്യൂഡൽഹി: രാജ്യവിരുദ്ധ പരാമർശം നടത്തിയ കേസിൽ മുൻ മന്ത്രി കെ ടി ജലീലിനെതിരായ ഹർജി തിങ്കളാഴ്ച ഡൽഹി കോടതി പരിഗണിക്കും. കശ്മീരിനെ കുറിച്ച് വിവാദ പരാമർശം നടത്തിയ ജലീലിനെതിരെ രാജ്യദ്രോഹ കുറ്റം ചുമത്തണമെന്നാണ് ഹർജിക്കാരന്റെ ആവശ്യം. സുപ്രീം കോടതി അഭിഭാഷകൻ നൽകിയ ഹർജിയാണ് പരിഗണിക്കുന്നത്.
ആസാദ് കശ്മീർ പരാമർശം നടത്തിയതിലൂടെ രാജ്യവിരുദ്ധ പ്രവർത്തനങ്ങൾക്ക് ആഹ്വാനം നൽകുകയാണ് ജനപ്രതിനിധിയായ ജലീൽ ചെയ്തിരിക്കുന്നത്. ഈ സാഹചര്യത്തിൽ ജലീലിനെതിരെ രാജ്യദ്രോഹ കുറ്റം ചുമത്തണം എന്ന് ഹർജിയിൽ ആവശ്യപ്പെടുന്നു. ജലീലിനെതിരെ ശക്തമായ നിയമനടപടി ഉണ്ടാകണമെന്നും ഹർജിയിൽ ആവശ്യപ്പെടുന്നു.
ഫേസ്ബുക്ക് പോസ്റ്റിലൂടെയായിരുന്നു കെ ടി ജലീൽ രാജ്യവിരുദ്ധ പരാമർശം നടത്തിയത്. പോസ്റ്റിലെ ആസാദ് കശ്മീർ എന്ന പ്രയോഗം വൻ വിവാദമായിരുന്നു. തുടർന്ന് ബിജെപി ഉൾപ്പെടെ നിരവധി രാഷ്‌ട്രീയ സംഘടനകളും നേതാക്കളും ജലീലിനെതിരെ രംഗത്ത് വന്നിരുന്നു.
Comments