ഐസ്വാൾ: മിസോറാമിൽ യുദ്ധത്തിൽ ഉപയോഗിക്കുന്ന ഉപകരണങ്ങളും ആയുധങ്ങളുമായി ഒരാൾ പിടിയിൽ.വൻചാൻചുംഗെ എന്ന ആളെയാണ് അസം റൈഫിൾസ് അറസ്റ്റ് ചെയ്തത്. ചംപെ ജില്ലയിൽ നിന്നുമാണ് ആയുധ ശേഖരം കണ്ടെടുത്തത്.
രണ്ട് ചൈനീസ് നിർമ്മിത വാക്കി ടോക്കികൾ, മൂന്ന് സെഫ്റ്റി ഫ്യൂസ്, ഒമ്പത് ഡിറ്റണേറ്ററുകൾ, 17 ജലാറ്റിൻ സ്റ്റിക്കുകൾ എന്നിവ പ്രതിയിൽ നിന്നും കണ്ടെടുത്തു. ആകെ 2.125 കിലോഗ്രാം ഭാരമുള്ള ആയുധങ്ങളാണ് പിടിച്ചെടുത്തത്.
അസം റൈഫിൾസിന്റെ സെർച്ചിപ്പ് ബറ്റാലിയൻ നടത്തിയ ഓപ്പറേഷനിലാണ് പ്രതിയെ പിടികൂടിയത്.ത്യായോ കൗൺ ഗ്രാമത്തിൽ യുദ്ധത്തിന് ഉപയോഗിക്കുന്ന ഉപകരണങ്ങൾ ജനങ്ങൾക്ക് വ്യാപകമായി ലഭ്യമാകുന്നുണ്ടെന്ന രഹസ്യ വിവരത്തെ തുടർന്നാണ് സൈന്യം തിരച്ചിൽ നടത്തിയത്. നിരപരാധികളായ ജനങ്ങൾക്ക് ഇത്തരത്തിൽ ആയുധങ്ങൾ കൈമാറുക വഴി അവരുടെ ജീവൻ അപകടത്തിലാക്കുകയും നിയമ വിരുദ്ധ പ്രവർത്തനങ്ങളിലേക്ക് നയിക്കുകയും ചെയ്യുമെന്ന് അസം റൈഫിൾസ് ഉദ്യോഗസ്ഥൻ വ്യക്തമാക്കി.
Comments