ബംഗളൂരു: കർണാടക സർക്കാർ ഭരണത്തിന്റെ മൂന്നാം വർഷത്തിലേക്ക്.വാർഷിക പരിപാടിയിൽ ബിജെപി ദേശീയ അദ്ധ്യക്ഷൻ ജെപി നദ്ദ പങ്കെടുക്കും.സെപ്റ്റംബർ 8 മുതൽ മൂന്ന് ദിവസത്തെ സന്ദർശനത്തിനായി അദ്ദേഹം കർണാടകയിലെത്തും.
നദ്ദ ബംഗളൂരുവിൽ റോഡ് ഷോയിൽ പങ്കെടുക്കുമെന്ന് പാർട്ടി വൃത്തങ്ങൾ വ്യക്തമാക്കി. കേന്ദ്ര സംസ്ഥാന സർക്കാരുകളുടെ വികസന പ്രവർത്തനങ്ങൾ ചർച്ച ചെയ്യുമെന്നും പാർട്ടി അറിയിച്ചു. സംസ്ഥാനത്തെ വികസനം മെച്ചപ്പെടുത്തുന്നതിനായുള്ള പദ്ധതികൾ സംബന്ധിച്ച് മാർഗനിർദേശങ്ങൾ നൽകുകയും ചെയ്യും. കർണാടക മന്ത്രിമാരുടെ പ്രകടന അവലോകനവും നടത്തും. തുടർന്ന് പാർട്ടിയുടെ ഉപസമിതി യോഗത്തിൽ പങ്കെടുക്കും. എംഎൽഎ -എംപിമാരുമായി കൂടിക്കാഴ്ച നടത്തുമെന്നും ബിജെപി അറിയിച്ചു.
പ്രധാനമന്ത്രി നരേന്ദ്ര മോദിയുടെ ജന്മദിനത്തോടനുബന്ധിച്ച് വിവിധ പരിപാടികൾ സംബന്ധിച്ചും ചർച്ചകൾ സംഘടിപ്പിക്കും. ജന്മദിനമായ സെപ്റ്റംബർ 17 മുതൽ വിപുലമായ പരിപാടികളാണ് ദേശീയ അദ്ധ്യക്ഷന്റെ നേതൃത്വത്തിൽ ആസൂത്രണം ചെയ്യുന്നത്. രണ്ടാഴ്ച നീണ്ട് നിൽക്കുന്ന പരിപാടികൾ മഹാത്മഗാന്ധിയുടെ ജന്മദിമായ ഒക്ടോബർ രണ്ടിനാകും അവസാനിക്കുക.
Comments