എറണാകുളം : കമ്യൂണിസ്റ്റുകാർക്ക് പോലും കമ്യൂണിസം എന്താണെന്ന് അറിയില്ലെന്ന് സിനിമാ താരം സാധിക വേണുഗോപാൽ . അത്തരത്തിലോരു അവസ്ഥയിലൂടെയാണ് നാം ഇന്ന് കടന്ന് പോകുന്നത്. കേരളത്തെ പ്രളയം ബാധിച്ച സമയങ്ങളിലാണ് താൻ അത് തിരിച്ചറിഞ്ഞതെന്നും സാധിക കൂട്ടിച്ചേർത്തു. ജനം ഓൺലൈന് നൽകിയ അഭിമുഖത്തിലാണ് താരം ഇക്കാര്യം വ്യക്തമാക്കിയത്.
പ്രളയം മൂലം ദുരിതം അനുഭവിക്കന്നവർക്ക് കൊണ്ട് വന്ന പല സാധനങ്ങളും ആളുകൾക്ക് എത്തിക്കാതെ സ്വന്തം വീടുകളിലേക്ക് നേതാക്കാന്മാർ കൊണ്ട് പോകുന്നത് താൻ കണ്ടിരുന്നു. കൂടാതെ ക്യാമ്പുകളിലെത്തുന്ന സാധനങ്ങൾ എത്തിയിരുന്നത് മറ്റു ഗോഡൗണുകലിലേക്കും ആവശ്യമില്ലാത്ത ആളുകളിലേക്ക് ആയിരുന്നു എന്നും അവർ വ്യക്തമാക്കി. നേതാക്കൾ
സ്വന്തം പാർട്ടിയോട് പോലും കാണിക്കുന്നത് നീതികേടാണ് ഇത്തരം പ്രവൃത്തികൾ എന്നും സാധിക കൂട്ടിച്ചേർത്തു.
സമൂഹമാദ്ധ്യമങ്ങളിൽ രാഷ്ട്രീയ കാര്യങ്ങളിൽ പ്രതികരിക്കുമ്പോൾ വിമർശനങ്ങൾ നേരിടാറുണ്ടെന്നും. ആ വിമർശനങ്ങളെ കാര്യമാക്കുന്നില്ല. ഇന്ത്യക്കാരിയായതിനാൽ അഭിമാനിക്കുന്ന വ്യക്തിയാണ് താൻ. ജനശ്രദ്ധ നേടുന്നതിന് വേണ്ടി മാത്രം ചിലർ ദേശീയ വിഷയങ്ങൾ ചർച്ചയ്ക്കെടുക്കുമ്പോൾ പ്രതികരിച്ചു പോകുന്നതാണ്. ഇന്ത്യ എന്നത് രാഷ്ട്രീയപരമായി കാണേണ്ട ഒന്ന് അല്ല. ദേശത്തോടുള്ള സ്നേഹമാണെന്നും സാധിക പറഞ്ഞു.
Comments