ലൗജിഹാദിന്റെ മറവിൽ 16 കാരിയെ കടത്തി കൊണ്ട് പോയ സംഭവം ; കുട്ടിയെ ചെന്നൈയിൽ നിന്ന് കണ്ടെത്തി

പത്തനംതിട്ട : ജില്ലയിൽ നിന്ന് തട്ടിക്കൊണ്ടുപോയ 16 വയസ്സുകാരിയെ ചെന്നൈയിൽ നിന്ന് കണ്ടെത്തി. കോഴിക്കോട് സ്വദേശി ഫാസിൽ ഭാസിയാണ് പെൺകുട്ടിയെ കടത്തിക്കൊണ്ടു പോയത്. പത്തനംതിട്ട ഡിവൈഎസ്പി നന്ദകുമാറിന്റെ നേതൃത്വത്തിൽ രൂപീകരിച്ച പ്രത്യേക അന്വേഷണ സംഘമാണ് പെൺകുട്ടിയെ കണ്ടെത്തിയത്.

കഴിഞ്ഞ മാസം 28നാണ് കേസിനാസ്പദമായ സംഭവം നടക്കുന്നത്. പെൺകുട്ടിയെ വീട്ടിൽ നിന്നും കാണാതാവുകയായിരുന്നു. പിന്നാലെയാണ് ഫാസിലാണ് കുട്ടിയെ കടത്തിക്കൊണ്ട് പോയതെന്ന് തിരിച്ചറിഞ്ഞത്. തുടർന്ന് ബന്ധുക്കൾ പോലീസിൽ പരാതി നൽകി. പ്രതിയായ ഫാസിൽ രണ്ട് കുട്ടികളുടെ പിതാവാണ്.

പെൺകുട്ടിയെ കടത്തിക്കൊണ്ടുപോയതിന് പിന്നിൽ ലൗ ജിഹാദെന്ന് കുട്ടിയുടെ ബന്ധുക്കൾ ആരോപിച്ചിരുന്നു. പരാതിക്ക് പിന്നാലെ കുട്ടിയെ കേരളത്തിന് പുറത്തേക്ക് കടത്തിയതാവാനാണ് സൂചനയെന്ന് പോലീസ് പറഞ്ഞിരുന്നു. ഇതിന്റെ അടിസ്ഥാത്തിൽ നടത്തിയ പരിശോധനയിലാണ് കുട്ടിയെ കണ്ടെത്തിയത്.