ന്യൂഡൽഹി: രാഷ്ട്രീയത്തിലും കാലാവസ്ഥാ വ്യതിയാനം സംഭവിച്ചുവെന്നും, ഗുലാം നബി ആസാദ് കോൺഗ്രസ് വിട്ടതിലൂടെ ബിജെപിയുടെ വിശ്വസ്തനായി മാറിയിരിക്കുകയാണെന്നുമുള്ള വിമർശനവുമായി കോൺഗ്രസ്. മുതിർന്ന കോൺഗ്രസ് നേതാവ് ജയറാം രമേശാണ് ഗുലാം നബി ആസാദിനെതിരെ രൂക്ഷ വിമർശനം ഉന്നയിച്ചത്.
”സർക്കാരിന്റെ നയങ്ങളെ എതിർക്കും, പക്ഷേ രാഹുൽ ഗാന്ധിയെ പോലെ പ്രധാനമന്ത്രി നരേന്ദ്രമോദിയെ വിമർശിക്കില്ലെന്ന് ഗുലാം നബി ആസാദ് പറഞ്ഞതായി കേട്ടു. കാലാവസ്ഥാ വ്യതിയാനം സംഭവിച്ചിരിക്കുകയാണ്. ഈ മാന്യൻ ഇപ്പോൾ ബിജെപിയുടെ വിശ്വസ്ത സേവകനായി മാറിയിരിക്കുകയാണ്.’ ജയറാം രമേശ് ട്വീറ്റ് ചെയ്തു.
കോൺഗ്രസുമായി വർഷങ്ങൾ നീണ്ട ബന്ധമാണ് കഴിഞ്ഞ മാസം ഗുലാം നബി ആസാദ് അവസാനിപ്പിച്ചത്. രാഹുലിനെതിരെ രൂക്ഷ വിമർശനം ഉന്നയിച്ചു കൊണ്ടാണ് അദ്ദേഹം പാർട്ടി വിട്ടത്. ആസാദിന്റെ ഡിഎൻഎ ‘മോദി-ഫൈഡ്’ ആണെന്നായിരുന്നു സംഭവത്തിന് പിന്നാലെ കോൺഗ്രസിന്റെ വിമർശനം.
Comments