മുംബൈ: തെരുവ് നായ വിഷയത്തിൽ കേരളത്തിനെതിരെ ബോളിവുഡ് നടി കരിഷ്മ തന്ന. കേരളത്തിൽ തെരുവ് നായ്ക്കളെ കൂട്ടക്കൊല ചെയ്യുകയാണെന്ന് നടി സമൂഹമാദ്ധ്യമത്തിൽ കുറിച്ചു. കേരളം ബഹിഷ്കരിക്കാനും ആഹ്വാനമുണ്ട്.
ഇൻസ്റ്റഗ്രാമിലൂടെയായിരുന്നു നടിയുടെ പ്രതികരണം. അടുത്ത കാലത്ത് നായക്കളുടെ ആക്രമണങ്ങളിൽ മാത്രമാണ് മുഖ്യധാര മാദ്ധ്യമങ്ങൾ ശ്രദ്ധ ചെലുത്തുന്നത് എന്ന് നടി ആരോപിക്കുന്നു. തെരുവ് നായ ആളുകളെ ആക്രമിക്കുന്ന രണ്ട് ദൃശ്യങ്ങളാണ് ഇപ്പോൾ വ്യാപകമായി പ്രചരിക്കുന്നത്. ഒരു തെറ്റും ചെയ്യാതെയാണ് അവരെ നായ ആക്രമിച്ചത് എന്നതിനോട് യോജിക്കുന്നു. എന്നാൽ ഇതിൽ തെറ്റ് പൂർണമായും നായയുടെ ഉടമകളുടെ ഭാഗത്ത് ആണ്. താൻ ഒരു മൃഗസ്നേഹിയാണെന്നും നടി വ്യക്തമാക്കി. തെരുവ് നായക്കളെ സംരക്ഷിക്കാൻ ഏവരും രംഗത്തുവരണമെന്നും നടി പറഞ്ഞു.
ഗോഡ്സ് ഓൺ കൺട്രിയായ കേരളം ഇന്ന് ഡോഗ്സ് ഓൺ ഹെൽ ആയി. കേരളത്തിലെ വിനോദസഞ്ചാര മേഖലയെയും കേരള ഉത്പന്നങ്ങളും ബഹിഷ്കരിക്കണമെന്നും കരീഷ്മ തന്ന പറഞ്ഞു.
Comments