തായ്‌പേയ്: ചൈനയുടെ ഭീഷണി നിറഞ്ഞ പ്രസ്താവനയ്‌ക്ക് ശക്തമായ മറുപടി ആവർത്തിച്ച് തായ്വാൻ. സൈനിക നീക്കം നടത്താൻ അധികാരമുണ്ടെന്ന ചൈനയുടെ തുടർച്ചയായ ഭീഷണിക്കെതിരെയാണ് തായ്വാൻ ഉടൻ മറുപടി നൽകിയത്.
ഒരു കാരണവശാലും തങ്ങളുടെ അഖണ്ഡതയെ ഇല്ലാതാക്കാനും സ്വാതന്ത്ര്യം ഹനിക്കാനും സമ്മതിക്കില്ലെന്നാണ് തായ്വാൻ ഭരണകൂടം അറിയിച്ചത്. തങ്ങളുടെ ഭൂവിഭാഗമാണ് തായ്വനെന്നും സ്വാതന്ത്ര്യ പ്രഖ്യാപന നീക്കത്തിനെതിരെ സൈനിക നീക്കത്തിന് അധികാരമുണ്ടെന്നും ചൈനീസ് പാർട്ടി കോൺഗ്രസ്സിലാണ് പ്രസ്താവന നടന്നിരിക്കുന്നത്.
ഒരു രാജ്യം രണ്ട് സംവിധാനം എന്ന ചൈനയുടെ നയം അംഗീകരിക്കില്ലെന്ന് തായ്വാൻ ആവർത്തിച്ചു. നിലവിൽ യുദ്ധസമാന അന്തരീക്ഷമാണ് ചൈന മേഖലയിൽ സൃഷ്ടിച്ചിരി ക്കുന്നത്. തായ്വാന്റെ വ്യോമാതിർത്തികൾ തുടർച്ചയായി ലംഘിക്കപ്പെടുകയാണ്. കടൽമേഖലയിൽ തായ്വാന് ലഭിക്കേണ്ട സഹായങ്ങൾ തടയാനാണ് ചൈനയുടെ ശ്രമം. നിരവധി ദ്വീപുകൾക്ക് സമീപം യുദ്ധകപ്പൽ നിരത്തി ചൈന കനത്ത ഭീഷണിയാണ് തുട രുന്നതെന്നും തായ്വാൻ ഭരണകൂടം മറുപടിയായി പറഞ്ഞു.
Comments