ട്വന്റി 20 ലോകകപ്പ്; യുഎഇക്കെതിരെ നെതർലൻഡ്സിന് ജയം- ICC T20 WC 2022; UAE Vs Netherlands

ഗീലോംഗ്: ട്വന്റി 20 ലോകകപ്പ് ഗ്രൂപ്പ് ഘട്ടത്തിലെ മത്സരത്തിൽ യുഎഇക്കെതിരെ നെതർലൻഡ്സിന് ജയം. 3 വിക്കറ്റിനാണ് നെതർലൻഡ്സ് യുഎഇയെ പരാജയപ്പെടുത്തിയത്.

ടോസ് നേടി ബാറ്റിംഗ് തിരഞ്ഞെടുത്ത യുഎഇ 20 ഓവറിൽ 8 വിക്കറ്റ് നഷ്ടത്തിൽ 111 റൺസാണ് എടുത്തത്. മറുപടി ബാറ്റിംഗിൽ നെതർലൻഡ്സ് 19.5 ഓവറിൽ 7 വിക്കറ്റ് നഷ്ടത്തിൽ 112 റൺസ് നേടി. 3 വിക്കറ്റ് വീഴ്‌ത്തിയ ബാസ് ഡി ലീഡ് ആണ് യുഎഇ ബാറ്റിംഗ് നിരയെ തകർത്തത്. ഫ്രെഡ് ക്ലാസെൻ രണ്ടും ടിം പ്രിംഗിളും വാൻഡർ മെർവും ഓരോ വിക്കറ്റും വീഴ്‌ത്തി.

ചെറിയ ലക്ഷ്യം പിന്തുടർന്ന് ഇറങ്ങിയ നെതർലൻഡ്സിനായി ഓപ്പണർ മാക്സ് ഒഡോവ്ഡ് 23 റൺസ് നേടി. ജുനൈദ് സിദ്ദിഖിയുടെ 3 വിക്കറ്റ് പ്രകടനത്തിനും യുഎഇയെ രക്ഷിക്കാനായില്ല. ബേസിൽ ഹമീദ്, അയാൻ അഫ്സൽ ഖാൻ, കാർത്തിക് മെയ്യപ്പൻ, സഹൂർ ഖാൻ എന്നിവർ യുഎഇക്കായി ഓരോ വിക്കറ്റ് വീതം വീഴ്‌ത്തി.