കള്ളപ്പണം വെളുപ്പിക്കൽ ; ടിആർഎസ് എംപി യുടെ 80.65 കോടി രൂപയുടെ സ്വത്തുക്കൾ കണ്ടുകെട്ടി ഇഡി – ED attaches assets of TRS MP worth Rs 80.65 cr 

ഹൈദരാബാദ്: കള്ളപ്പണം വെളുപ്പിക്കൽ കേസിൽ ടിആർഎസ് എംപി നാമ നാഗേശ്വര് റോയുടെ സ്വത്തുക്കൾ ഇഡി കണ്ടുകെട്ടി. സ്ഥാവര സ്വത്തുക്കൾ ഉൾപ്പെടെ 80.65 കോടി രൂപയുടെ സ്വത്തുക്കളാണ് ഇഡി കണ്ടുക്കെട്ടിയത്. മധുകോൺ ഗ്രൂപ്പ് ഓഫ് കമ്പനീസിന്റെ മറവിലാണ് കള്ളപ്പണം വെളുപ്പിച്ചതെന്ന് അന്വേഷണ ഉദ്യോഗസ്ഥർ കണ്ടെത്തിയിരുന്നു.

മധുകോൺ ഗ്രൂപ്പ് ഓഫ് കമ്പനികളുടെ പ്രൊമോട്ടറും ഡയറക്ടറുമാണ് നാമ നാഗേശ്വര് റാവു. ഹൈദരാബാദിലെ ജൂബിലി ഹിൽസിലെ മധുക്കോൺ ഗ്രൂപ്പ് ഓഫ് കമ്പനികളുടെ രജിസ്റ്റർ ചെയ്ത ഓഫീസും ഭൂമിയും കണ്ടുകെട്ടി. സ്വത്തുക്കൾ റോയുടെയും കുടുംബാംഗങ്ങളുടെയുമാണെന്ന് ഇഡി ഉദ്യോഗസ്ഥർ വ്യക്തമാക്കി. ഹൈദരാബാദ്, ഖമ്മം, പ്രകാശം ജില്ലകളിലെ 67.08 കോടി രൂപയുടെ സ്ഥാവര സ്വത്തുക്കളും നാമ നാഗേശ്വര റാവുവിന്റെയും കുടുംബാംഗങ്ങളുടെയും ഓഹരി പങ്കാളിത്തം ഉൾപ്പെടെ 13.57 കോടി രൂപയുടെ ആസ്തികളും ഇഡി കണ്ടെത്തി. കമ്പനികളുടെ മൊത്തം 80.65 കോടി രൂപയോളമാണ് കണ്ടുകെട്ടിയത്.

കഴിഞ്ഞ ജൂലൈയിൽ മധുകോൺ ഗ്രൂപ്പ് ഓഫ് കമ്പനികളുടെയ ഡയറക്ടർമാരുടെയും പ്രൊമോട്ടർമാരുടെയും 73.74 കോടി രൂപ വിലമതിക്കുന്ന 105 സ്ഥാവര സ്വത്തുക്കളും മറ്റ് ആസ്തികളും ഇഡി താൽക്കാലികമായി കണ്ടുകെട്ടിയിരുന്നു.ഇതിന് പിന്നാലെയാണ് എംപിയുടെ സ്വത്തുക്കളും കണ്ടുകെട്ടിയത്.