നമ്മളിൽ പലരും നേരിടുന്ന പ്രശ്‌നമാണ് കടുത്ത തലവേദന, ഫോണിന്റെയും കംപ്യൂട്ടറിന്റെയും ഉപയോഗം കൂടുന്നതും, ഉറക്കകുറവും തലവേദനയെ മാടിവിളിക്കുന്നു. പലപ്പോഴും ഇത്തരത്തിൽ വരുന്ന തലവേദന മാറാൻ മരുന്നുകളിലാണ് നാം അഭയം കണ്ടെത്താറ്. എന്നാൽ ഇതിനെല്ലാം ഇങ്ങനെ മരുന്ന് വെറുതെ കഴിക്കാൻ താൽപ്പര്യം ഇല്ലാത്തവർ എന്ത് ചെയ്യും? ബദാം കഴിക്കുക എന്നാണ് പോക്ഷകാഹാര വിദഗ്ധയായ സുമൻ പറയുന്നത്.
തലവേദന വരുമ്പോൾ 10-12 വരെ ബദാം കഴിച്ചാൽ വേദനയിൽ നിന്ന് ഒരു പരിധിവരെയെല്ലാം രക്ഷനേടാം. വേദന അകറ്റാൻ കഴിക്കുന്ന ആസ്പിരിൻ മരുന്നുകളുടെ ഗുണം ബദാം കഴിക്കുന്നതിലൂടെ നേടാനാകുമേ്രത
ബദാമിൽ അടങ്ങിയിരിക്കുന്ന മഗ്നീഷ്യം, രക്ത ധമിനികളെ റിലാക്‌സ് ചെയ്യിക്കുന്നത് വഴി തലവേദനയിൽ നിന്ന് ഒരു പരിധിവരെ മുക്തി നേടാൻ സാധിക്കുന്നു. ബദാം വെറുതെ കഴിക്കാൻ മടിയുള്ളവർ ചെറുതായി വറുത്തെടുത്ത് തേൻ ചേർത്ത് കഴിച്ചാലും മതി. ബദാം തലവേദയ്‌ക്ക് കുറവ് വരുത്തുമെങ്കിലും സ്ഥിരമായി കടുത്ത തലവേദന അനുഭവപ്പെടുന്നവർ നിർബന്ധമായും ഡോക്ടറുടെ സഹായം തേടണമെന്നും മരുന്ന് കഴിക്കുന്നവർ അത് ഒഴിവാക്കി ബദാമിന്റെ സഹായം തേടണമെന്നും സുമൻ നിർദ്ദേശിക്കുന്നു. ഇനി തലവേദന അനുഭവപ്പെടുമ്പോൾ ഒന്ന് ബദാം പരീക്ഷിച്ചു നോക്കൂ.
ഇത് മാത്രമല്ല ബദാമിന്റെ ഗുണങ്ങൾ.രക്തത്തിലെ പഞ്ചസാരയുടെ അളവ് നിയന്ത്രണത്തിലാക്കാനും ബദാമിന് കഴിയും. ബദാമിൽ കാർബോഹൈഡ്രേറ്റുകൾ കുറവാണ്, ആരോഗ്യകരമായ കൊഴുപ്പുകൾ, പ്രോട്ടീൻ, നാരുകൾ എന്നിവയുടെ അംശം ബദാമിൽ കൂടുതലാണ്.ബദാമിൽ ഫോസ്ഫറസ്, മഗ്നീഷ്യം, കാൽസ്യം എന്നിവ അടങ്ങിയിട്ടുണ്ട്. ഇവയെല്ലാം തന്നെ എല്ലുകൾ, പല്ലുകൾ എന്നിവയുടെ ആരോഗ്യത്തിന് നല്ലതാണ്.
ദിവസവും ബദാം കഴിക്കുന്നത് ഹൃദയത്തിന് വളരെ അധികം ഗുണം ചെയ്യും.ആരോഗ്യം നൽകുന്നതോടൊപ്പം ശരീരഭാരം കുറയ്‌ക്കാനും സഹായിക്കുന്ന മികച്ച മാർഗ്ഗമാണ് ബദാം ദിവസേനയുള്ള ആഹാരക്രമത്തിൽ ഉൾപ്പെടുത്തുക എന്നത്. കുറച്ച് ബദാം മിതമായ അളവിൽ കഴിക്കുന്നത് നിങ്ങൾക്ക് കൂടുതൽ നേരം വിശപ്പ് തോന്നാതെ വയർ നിറഞ്ഞിരിക്കുന്നു എന്ന പ്രതീതി നൽകുന്നു. ഇതിൽ അടങ്ങിയിരിക്കുന്ന ഫൈബർ, പ്രോട്ടീൻ, കൊഴുപ്പ് എന്നിവയുടെ സഹായത്താലാണിത്.
ഇന്ത്യയിലെ തന്നെ പ്രശസ്തയായ ഡയറ്റ് ന്യൂട്രീഷനിസ്റ്റാണ് സുമൻ അഗർവാൾ. ഇൻസ്റ്റഗ്രാമിൽ മാത്രം ഏകദേശം 56.6k ഫോളോവേഴ്‌സുള്ള സുമൻ, സ്ത്രീകൾ നേരിടുന്ന പിസിഒഡി,ഭാരക്കുറവ് എന്നിവയ്‌ക്ക് പരിഹാരം കണ്ടെത്താൻ ഹെൽത്ത് ടിപ്പിസ് നൽകിയാണ് വൈറലായത്.
