തോക്കുചൂണ്ടി ഭീഷണിപ്പെടുത്തി; യുവാവിന്റെ എസ്‌യുവി അടിച്ചെടുത്ത് കവർച്ചാസംഘം; സിസിടിവി ദൃശ്യങ്ങൾ പുറത്ത്

ന്യൂഡൽഹി: തോക്കിൻ മുനയിൽ നിർത്തി ഭീഷണിപ്പെടുത്തി 35-കാരന്റെ എസ്‌യുവി അടിച്ചെടുത്ത് മോഷ്ടാക്കൾ. തെക്കുപടിഞ്ഞാറൻ ഡൽഹിയിൽ ശനിയാഴ്ച പുലർച്ചെയാണ് സംഭവമുണ്ടായത്.

ഝരേര വില്ലേജിന് സമീപമുള്ള നാഷണൽ ഹൈവേ-8ൽ കാർ പാർക്ക് ചെയ്തതിന് പിന്നാലെയാണ് കവർച്ച സംഘമെത്തി ഭീഷണിപ്പെടുത്തി വാഹനം എടുത്തുകൊണ്ടുപോയതെന്ന് യുവാവ് പറയുന്നു. ശനിയാഴ്ച പുലർച്ചെ 5.19നാണ് സംഭവം.

അജ്ഞാതരായ മൂന്നംഗ സംഘം മോട്ടോർ സൈക്കിളിൽ എത്തി തോക്ക് ചൂണ്ടുകയും തന്റെ
വെളുത്ത ടൊയോട്ട ഫോർച്യൂണർ കാർ തട്ടിയെടുക്കുകയും ചെയ്തുവെന്ന് പരാതിക്കാരൻ പറയുന്നു. ഉത്തർപ്രദേശിലെ മീററ്റ് സ്വദേശിയായ രാഹുലാണ് കവർച്ചയ്‌ക്ക് ഇരയായത്.

സംഭവത്തിന്റെ സിസിടിവി ദൃശ്യങ്ങളും ഇതിനോടകം പുറത്തുവന്നിട്ടുണ്ട്. വാഹനം പാർക്ക് ചെയ്ത് രാഹുൽ കാറിൽ നിന്ന് പുറത്തിറങ്ങിയതിന് പിന്നാലെ ചുവന്ന വസ്ത്രം ധരിച്ച ഒരാൾ പോക്കറ്റിൽ നിന്ന് പിസ്റ്റൽ ചൂണ്ടുകയും ഭീഷണിപ്പെടുത്തുകയും ചെയ്യുന്നത് ദൃശ്യങ്ങളിൽ കാണാം. തുടർന്ന് മറ്റ് രണ്ട് പേരെത്തി കാർ തട്ടിയെടുക്കുകയാണ് ചെയ്യുന്നത്. സമീപം നിന്നിരുന്ന മറ്റ് വ്യക്തികളെയും കവർച്ചാസംഘം ഭീഷണിപ്പെടുത്തുന്നത് ദൃശ്യങ്ങളിൽ കാണാം.

दिल्ली : महंगाई बेरोजगारी का आलम बड़ा बेरहम है
इस बढ़ती महंगाई के दौर में जब युवाओं को नौकरी नहीं मिलेगी तो वह लूटपाट ही करेंगे

बाइक सवार तीन युवक फायरिंग करके लूट ले गए Toyota कार, CCTV में कैद हुई वारदात pic.twitter.com/PSASTFa01V

— Awasthi Sanjeev (@SA67211021) October 30, 2022

സംഭവവുമായി ബന്ധപ്പെട്ട് ഡൽഹി കന്റോൺമെന്റ് പോലീസ് സ്റ്റേഷനിൽ കേസ് രജിസ്റ്റർ ചെയ്തിട്ടുണ്ടെന്നും അന്വേഷണം പുരോഗമിക്കുകയാണെന്നും പോലീസ് അറിയിച്ചു. കവർച്ചാസംഘത്തെ ഉടൻ പിടികൂടുമെന്നാണ് പോലീസ് അറിയിക്കുന്നത്.