നോയിഡ: വിവാഹ അഭ്യർത്ഥന നിരസിച്ച യുവതിയെ കെട്ടിടത്തിന് മുകളിൽ നിന്ന് താഴേക്ക് എറിഞ്ഞു കൊലപ്പെടുത്തി യുവാവ്. .ഉത്തർപ്രദേശിലെ മീററ്റിലാണ് സംഭവം.സംഭവവുമായി ബന്ധപ്പെട്ട് മീററ്റ് സ്വദേശി ഗൗരവ് പിടിയിലായി.
യുവതിയുടെ മൃതദേഹം നശിപ്പാക്കാനുള്ള ശ്രമത്തിനിടെ ഇയാളെ പോലീസ് പിടികൂടുകയായിരുന്നു. ഹോഷിപുർ സ്വദേശിയായ ശീതളാണ് (22) കൊല്ലപ്പെട്ടത്. കുറച്ച് നാളുകളായി ശീതളിനെ ഗൗരവ് ശല്യം ചെയ്യാറുണ്ടായിരുന്നുവെന്നും ,പോലീസിൽ പരാതി നൽകിയിരുന്നുവെന്നും ശീതളിന്റെ സഹോദരൻ പറഞ്ഞു.
കഴിഞ്ഞ ദിവസമാണ് ശീതളിനോട് യുവാവ് വിവാഹാഭ്യർത്ഥന നടത്തിയത്. എന്നാൽ യുവതി ഇത് നിരസിച്ചു. പിന്നാലെ കെട്ടിടത്തിന്റെ മൂന്നാം നിലയിൽ നിന്ന് തള്ളി താഴെയിട്ട് കൊലപ്പെടുത്തുകയായിരുന്നു. യുവതി കെട്ടിട്ടത്തിന് മുകളിൽ നിന്ന് വീണതറിഞ്ഞെത്തിയ ആളുകളോട് തന്റെ സഹോദരിയാണ് വീണതെന്നും ആശുപത്രിയിൽ കൊണ്ടുപോകണമെന്നും പറഞ്ഞ് മൃതദേഹം കൊണ്ട് പോകാനായിരുന്നു ശ്രമം. യാത്രാമദ്ധ്യേയാണ് പോലീസിന്റെ വലയിലാവുന്നത്. അതേസമയം യുവതിയെ താൻ രഹസ്യമായി വിവാഹം കഴിച്ചിരുന്നുവെന്നും ഈയിടയായി തന്നെ ഒഴിവാക്കാൻ ശ്രമിക്കുകയായിരുന്നുവെന്നും ഗൗരവ് ആരോപിച്ചു.
Comments