ലാഹോർ: ട്വന്റി 20 ലോകകപ്പിലെ തോൽവിക്ക് പിന്നാലെ പാകിസ്താൻ ക്രിക്കറ്റിന് വീണ്ടും നാണക്കേട്. അയർലൻഡിനെതിരെ പാകിസ്താൻ വനിതാ ടീം സ്വന്തം നാട്ടിൽ ട്വന്റി 20 പരമ്പര തോറ്റു. 3 മത്സരങ്ങളുടെ പരമ്പര 2-1നാണ് അയർലൻഡ് സ്വന്തമാക്കിയത്.
46 പന്തിൽ 71 റൺസ് നേടിയ ഗാബി ലൂയിസിന്റെ ബാറ്റിംഗ് കരുത്തിലായിരുന്നു മൂന്നാം മത്സരത്തിലെ അയർലൻഡിന്റെ വിജയം. 35 പന്തിൽ 40 റൺസ് നേടിയ ഓപ്പണിംഗ് പങ്കാളി എമി ഹണ്ടറുടെ പിന്തുണയോടെ ഗാബി അയർലൻഡിനെ 20 ഓവറിൽ 167/4 എന്ന മികച്ച സ്കോറിൽ എത്തിച്ചു. മറുപടി ബാറ്റിംഗിൽ 18.5 ഓവറിൽ 133 റൺസിന് പാകിസ്താൻ പുറത്തായി.
ഗദ്ദാഫി സ്റ്റേഡിയത്തിൽ നടന്ന ആദ്യ മത്സരത്തിലും അയർലൻഡായിരുന്നു വിജയികൾ. രണ്ടാം മത്സരം പാകിസ്താൻ ജയിച്ചതോടെ, ഇന്നത്തെ മത്സരം ഫൈനൽ പോരാട്ടമായി മാറുകയായിരുന്നു. പരമ്പരയിലുടനീളം മികച്ച പ്രകടനം കാഴ്ചവെച്ച ഗാബി തന്നെയാണ് പരമ്പരയുടെ താരം.
ചരിത്ര നേട്ടം ടീം ബസിൽ പാട്ടുപാടിയാണ് ഐറിഷ് വനിതകൾ ആഘോഷമാക്കിയത്. ഐറിഷ് ടീമിന്റെ ആഹ്ലാദ പ്രകടന വീഡിയോ സാമൂഹിക മാദ്ധ്യമങ്ങളിൽ വൈറലാകുകയാണ്.
The singing has started.
🎶 Just can’t get enough 🎶#BackingGreen ☘️🏏 @HanleyEnergy pic.twitter.com/RiLyXlYev5
— Ireland Women’s Cricket (@IrishWomensCric) November 16, 2022
Comments