ന്യൂഡൽഹി: വീരസവർക്കറെ അപമാനിച്ച വയനാട് എം പി രാഹുൽ ഗാന്ധിക്കെതിരെ രൂക്ഷ വിമർശനവുമായി അസം മുഖ്യമന്ത്രി ഹിമന്ത ബിശ്വ ശർമ്മ. ഇന്ത്യാ ചരിത്രത്തെ കുറിച്ച് രാഹുൽ ഗാന്ധിക്ക് യാതൊരു വിവരവുമില്ല. വീരസവർക്കറെ അപമാനിക്കാൻ രാഹുൽ ഉപയോഗിച്ച വാക്കുകൾ അയാളുടെ മനോനില വ്യക്തമാക്കുന്നതാണെന്ന് ശർമ്മ പറഞ്ഞു.
രാഹുൽ ഗാന്ധി രാജ്യവിരുദ്ധനും ഹിന്ദു വിരുദ്ധനുമാണ്. അയാളുടെ ജൽപ്പനങ്ങൾക്ക് ജനങ്ങൾ മറുപടി നൽകുമെന്നും ഹിമന്ത ബിശ്വ ശർമ്മ വ്യക്തമാക്കി.
ഭാരത് ജോഡോ യാത്രക്കിടെയായിരുന്നു രാഹുൽ ഗാന്ധി വീരസവർക്കറെ അപമാനിച്ചത്. സവർക്കർ ബ്രിട്ടീഷുകാരെ സഹായിച്ചുവെന്നായിരുന്നു രാഹുലിന്റെ ആരോപണം. സവർക്കർ ബ്രിട്ടീഷുകാർക്ക് സമർപ്പിച്ച ദയാഹർജി എന്ന പേരിൽ മാദ്ധ്യമങ്ങൾക്ക് മുന്നിൽ ഒരു കടലാസ് കഷണവും രാഹുൽ ഉയർത്തിക്കാട്ടിയിരുന്നു.
സവർക്കർക്കെതിരായ രാഹുൽ ഗാന്ധിയുടെ പരാമർശത്തിനെതിരെ രൂക്ഷവിമർശനവുമായി നിരവധി ദേശീയ നേതാക്കൾ രംഗത്ത് വന്നിരുന്നു. രാഹുലിന്റെ അധിക്ഷേപങ്ങൾക്കെതിരെ സവർക്കറുടെ ചെറുമകൻ കോടതിയെ സമീപിച്ചിരുന്നു.
Comments