പലപ്പോഴും നമ്മളെ ബുദ്ധിമുട്ടിക്കുന്ന ഒരു അനുഭവമാണ് ചൊറിച്ചിൽ. ചില രോഗലക്ഷണങ്ങളുടെ ഭാഗമായും അലർജികളുടെ ഭാഗമായും ചൊറിച്ചിൽ അനുഭവപ്പെടാറുണ്ട്. സാധാരണ അലർജിയുടെ ഭാഗമായി ഉണ്ടാകുന്ന ചൊറിച്ചിൽ അലർജിക്ക് കാരണമായ വസ്തുവുമായുള്ള സമ്പർക്കം ഒഴിവാക്കിയാൽ തനിയെ ഇല്ലാതാകും. എന്നാൽ നീണ്ടു നിൽക്കുന്ന ചൊറിച്ചിൽ സൂക്ഷിക്കണം. അത് ഒരുപക്ഷേ പല മാരക അസുഖങ്ങളുടെയും ലക്ഷണമാകാം.
പാൻക്രിയാസിനെ ബാധിക്കുന്ന അർബുദത്തിന്റെ പ്രാരംഭ ലക്ഷണങ്ങളിൽ ഒന്നാണ് ചൊറിച്ചിൽ. മഞ്ഞപ്പിത്തമുള്ളവർക്കും ചില ഘട്ടങ്ങളിൽ ചൊറിച്ചിൽ ഉണ്ടാകാറുണ്ട്.
ചൊറിച്ചിലിൽ നിന്നും എങ്ങനെ രക്ഷ നേടാം?
1. ശരീരപ്രകൃതി അനുസരിച്ച്, ചൂട് വെള്ളത്തിലോ തണുത്ത വെള്ളത്തിലോ കുളിക്കുക.
2. ചർമ്മത്തിൽ ഈർപ്പം കാത്ത് സൂക്ഷിക്കുക. ഇതിനായി പതിവായി ധാരാളം വെള്ളം കുടിക്കുക.
3. അലർജിക്ക് കാരണമാകുന്ന വസ്തുക്കൾ കണ്ടെത്തി അവയുമായുള്ള സമ്പർക്കം ഒഴിവാക്കുക.
4. മൃദുവായ കോട്ടൺ വസ്ത്രങ്ങൾ ഉപയോഗിക്കുക.
പൊടിക്കൈകൾ പരീക്ഷിച്ചിട്ടും ചൊറിച്ചിൽ വിട്ടുമാറുന്നില്ലെങ്കിൽ മാന്തി സമയം കളയാതെ എത്രയും വേഗം ഒരു ചർമ്മരോഗ വിദഗ്ധനെ സമീപിക്കുക. അദ്ദേഹത്തിന്റെ നിർദേശപ്രകാരം ചികിത്സയും ആവശ്യമെങ്കിൽ മെഡിക്കൽ പരിശോധനകളും നടത്തുക.
Comments