തിരുവനന്തപുരം : ഖത്തര് ലോകകപ്പിൽ അര്ജന്റീനയെ ചെറുമീനുകളായ സൗദി അറേബ്യ അട്ടിമറിച്ചിരിക്കുകയാണ്. സോഷ്യല് മീഡിയയില് ആകെ അര്ജന്റീനയുടെ പതനം ആരാധകരെ ഞെട്ടിച്ചിരിക്കുകയാണ്.
എന്നാൽ ഈ അട്ടിമറി മണിക്കൂറുകൾക്ക് മുൻപ് തന്നെ പ്രവചിച്ച് താരമായ ഒരു മലയാളിയുണ്ട് . മധു മണക്കാട്ടിൽ , വേള്ഡ് മലയാളി സര്ക്കിള് എന്ന ഗ്രൂപ്പിലാണ് മധു മണക്കാട്ടില് എന്ന ഫേസ്ബുക്ക് അക്കൗണ്ടിൽ നിന്നും പോസ്റ്റ് ചെയ്ത പ്രവചനമാണ് ഏറെ ശ്രദ്ധ നേടുന്നത് .
‘ ഈ വേൾഡ് കപ്പിലെ ആദ്യത്തെ അട്ടിമറി ഇന്ന് സംഭവിക്കും.. Mark my words… സൗദി അറേബ്യ VS അർജന്റീന, My prediction 2 – 1.. സൗദി അറേബ്യ ജയിക്കും മെസ്സി നനഞ്ഞ പടക്കമാകും..‘ ആരും ജയിക്കുമെന്നും, സ്കോര് ലൈന് എന്തായിരിക്കുമെന്നും പോലും ഇയാളുടെ പോസ്റ്റിലുണ്ട്. സോഷ്യല് മീഡിയയില് ഇയാള് താരമായി മാറിയിരിക്കുകയാണ്.
ഇത് എങ്ങനെ സാധിച്ചുവെന്നും , ജോത്സ്യൻ ആണോയെന്നും ചിലർ ചോദിക്കുന്നു . ഒപ്പം ബ്രസീലിന്റെ കളിയുള്ള ദിവസം ഒന്നും പറയരുതെന്നും, കാണിപ്പയ്യൂർ പ്രവചിക്കുമോ ഇങ്ങനെ എന്നുമൊക്കെയാണ് കമന്റുകൾ.
സൗദി അറേബ്യയോട് 2-1 എന്ന സ്കോറിനാണ് അര്ജന്റീന തോറ്റത്. ഖത്തർ ലോകകപ്പിൽ അർജന്റീനയുടെ തേരോട്ടം കാണാൻ കാത്തുകാത്തിരുന്ന ആരാധക ലക്ഷങ്ങളെ കണ്ണീരിലാഴ്ത്തുന്നതാണ്, ലുസെയ്ൽ സ്റ്റേഡിയത്തിൽ സൗദി അറേബ്യയ്ക്ക് ലഭിച്ച ഐതിഹാസിക വിജയം
Comments