മൃഗങ്ങളെ പുതിയ ഒരിടത്തേയ്‌ക്ക് മാറ്റി വളർത്തുന്നത് സാധാരണമാണ്. എന്നാൽ പുതിയ താമസ സ്ഥലവുമായി ഇണങ്ങാൻ കുറച്ച് സമയം എടുക്കും. തന്റെ ആവാസവ്യവസ്ഥ മാറുമ്പോൾ സ്വഭാവികമായും മൃഗങ്ങൾക്ക് ഭയവും ദുഃഖവും ഉണ്ടാകും. ഇപ്പോൾ സമൂഹമാദ്ധ്യമങ്ങളിൽ വൈറലാവുന്നതും പുതിയ ഒരിടത്ത് താമസിക്കേണ്ടി വന്ന പന്നി കുട്ടികളുടെ ഒരു വീഡിയോയാണ്. അപകടത്തിൽ പെട്ട രണ്ട് പന്നിക്കുട്ടികളെ ഒരു വ്യക്തി രക്ഷിക്കുന്നു. ശേഷം അവയെ പുതിയ ഒരു കൂട്ടിലേയ്‌ക്ക് മാറ്റുന്നു. ഇതിൽ ഒരു പന്നി കുട്ടി ദുഃഖത്തിലാണെങ്കിൽ മറ്റേയാൾ ദുഃഖിതനായ പന്നിക്കുട്ടിയെ സന്തോഷിപ്പിക്കാൻ വേണ്ടി കളിക്കുകയാണ്.
ഒരാഴ്ച മുമ്പാണ് ഇരു പന്നിക്കുട്ടികളെയും @spoildrottenranch എന്ന ടിക് ടോക്ക് ഉപയോക്താവ് രക്ഷിക്കുന്നതും പുതിയ ഒരു കൂട്ടിലേയ്‌ക്ക് മാറ്റുന്നതും. ചിനോ എന്ന് പേരുള്ള പന്നി കുട്ടി പുതിയ കൂട്ടിൽ എത്തിയതോടെ വളരെ സന്തോഷത്തിലാണ്. അവൻ നിരന്തരം കളിച്ചുകൊണ്ടിരുന്നു. മറുവശത്ത്, ഓറിയോ എന്ന് പേര് നൽകിയിരിക്കുന്ന പന്നി കുട്ടിയാകട്ടെ ദുഃഖിതനായി വളരെ ഗൗരവത്തോടെ നടക്കുന്നു. ഓറിയോയെ തന്റെ ഒപ്പം കളിപ്പിക്കാൻ ചിനോ ശ്രമിക്കുന്നതാണ് വീഡിയോയിൽ കാണുന്നത്.
വീഡിയോ കാണാൻ ഈ ലിങ്കിൽ ക്ലിക്ക് ചെയ്യുക
നിരവധി പേരാണ് വീഡിയോയ്‌ക്ക് താഴെ കമന്റുമായി എത്തുന്നത്. ഒരാൾ കുറിച്ചു, ‘ഈ വീഡിയോ വളരെ മധുരമാണ്. ചിനോ കളിക്കാൻ ശ്രമിച്ചു കൊണ്ടേയിരിക്കുന്നു. അവൻ കളി നിർത്തിയില്ല. ഒരു ദിവസം ഓറിയോയും കളിയിൽ ഉറപ്പായും പങ്കുചേരും’. ‘ചിലപ്പോൾ നമ്മുടെ ജീവിതത്തിൽ ഒരു ചിനോയെ ആവശ്യമുണ്ട്. ജീവിതത്തെക്കുറിച്ച് രസകരമായ വീക്ഷണമുള്ള ഒരാളെ നമുക്കെല്ലാവർക്കും ആവശ്യമാണ്. ജീവിതം നമ്മെ നിരാശപ്പെടുത്തിയാലും പോസിറ്റീവ് വൈബ് നൽകാൻ ഒരാൾ വേണം’ എന്ന് മറ്റൊരാൾ കുറിച്ചു. എന്തായാലും വീഡിയോ ഇപ്പോൾ സമൂഹമാദ്ധ്യമങ്ങളിൽ വൈറലാണ്.
Comments