ഇസ്ലാം മതം സ്വീകരിച്ചില്ലെങ്കിൽ കൊലപ്പെടുത്തുമെന്ന് ക്രിസ്ത്യാനികൾക്കും ,ജൂതന്മാർക്കും ഇസ്ലാമിക് സ്റ്റേറ്റ് മൊസാംബിക്കിന്റെ ഭീഷണി. സംഘടന പുറത്തിറക്കിയ സന്ദേശത്തിലാണ് ക്രിസ്ത്യാനികളെയും ജൂതന്മാരെയും ഇസ്ലാമിലേക്ക് പരിവർത്തനം ചെയ്യുകയോ നികുതി അടയ്ക്കുകയോ ചെയ്തില്ലെങ്കിൽ, കൊലപ്പെടുത്തുമെന്ന ഭീഷണി . സന്ദേശം മൊസാംബിക്കൻ സൈന്യത്തിനെതിരെ “അനന്തമായ യുദ്ധം” പ്രഖ്യാപിക്കുന്നതിനൊപ്പം സഹകരിക്കാനും അല്ലെങ്കിൽ അനന്തരഫലങ്ങൾ നേരിടാനും ആഹ്വാനം ചെയ്യുന്നു.
നവംബർ 10-ഓടെ ഈ കൈയക്ഷര സന്ദേശത്തിന്റെ ചിത്രങ്ങൾ സോഷ്യൽ മീഡിയയിൽ പ്രത്യക്ഷപ്പെട്ടിരുന്നു . “മൊസാംബിക്കൻ കുരിശുയുദ്ധസേന”, മൊസാംബിക്കിലെ ക്രിസ്ത്യാനികൾ, ജൂതന്മാർ എന്നിവരെ അഭിസംബോധന ചെയ്യുന്നതാണ് സന്ദേശം .
“നിങ്ങൾ ഇസ്ലാമിന് കീഴടങ്ങുന്നത് വരെ ഞങ്ങൾ നിങ്ങൾക്കെതിരായ യുദ്ധം നടത്തും ,നിങ്ങളെ കൊല്ലുകയോ അതിനിടയിൽ കൊല്ലപ്പെടുകയോ ആണ് ഞങ്ങളുടെ ആഗ്രഹം, കാരണം ഞങ്ങൾ ദൈവമുമ്പാകെ രക്തസാക്ഷികളാണ്, അതിനാൽ കീഴടങ്ങുക അല്ലെങ്കിൽ ഓടിപ്പോകുക“ ഇത്തരത്തിലാണ് സൈന്യത്തിന് നൽകുന്ന സന്ദേശം
തങ്ങളുടെ യുദ്ധം “മുസ്ലീങ്ങളെന്ന് അവകാശപ്പെടുന്നവരോടല്ല” എന്നും സന്ദേശത്തിൽ പ്രസ്താവിക്കുന്നു . “ദൈവമില്ലാത്ത സർക്കാരുമായി” സഹകരിക്കുന്നത് അവസാനിപ്പിക്കണം . ഞങ്ങൾക്ക് എത്തിച്ചേരാനാകാത്ത ഒരിടവും ഇല്ലെന്നും സന്ദേശത്തിൽ പറയുന്നു.ഒന്നുകിൽ ഇസ്ലാമിന് സമർപ്പിക്കുക, നികുതി അടയ്ക്കുക, അല്ലെങ്കിൽ “അനന്തമായ യുദ്ധം” അംഗീകരിക്കുക. ദൈവം നിങ്ങൾക്കായി ഈ മൂന്നിൽ ഒന്ന് സ്ഥാപിക്കുന്നത് വരെ യുദ്ധം തുടരുമെന്നും സന്ദേശത്തിലുണ്ട്.
Comments