അഗ്നിപർവതത്തിലെ ലാവയിലേക്ക് മനുഷ്യൻ വീണാൽ എന്തു സംഭവിക്കും; ഞെട്ടിച്ച് വീഡിയോ

നമ്മുടെ നാട്ടിൽ ഇല്ലെങ്കിലും സിനിമകളിലോ ഡോക്യുമെന്ററികളിലോ ഒക്കെ അഗ്‌നിപർവ്വതങ്ങൾ കണ്ട് പരിചയമുള്ളവരാണ് എല്ലാവരും. സ്‌കൂളുകളിലൊക്കെ പഠിക്കുമ്പോൾ പലപ്പോഴും അഗ്നിപർവ്വതങ്ങളുടെ മാതൃകയിൽ പ്രോജക്ടുകളും ഉണ്ടായിട്ടുണ്ടാകും അല്ലേ. എന്നാൽ ഒരാൾ അഗ്‌നിപർവ്വതത്തിനുള്ളിലേക്ക് വീണാൽ എന്താണ് സംഭവിക്കുകയെന്ന് നിങ്ങൾ എപ്പോഴെങ്കിലും ചിന്തിച്ചിട്ടുണ്ടോ?. അങ്ങനെ ഒരാൾ ലാവയ്‌ക്കുള്ളിലേക്ക് വീണാൽ എന്താണ് സംഭവിക്കുന്നത് എന്ന് വ്യക്തമാക്കുന്ന വീഡിയോ ആണ് ഇപ്പോൾ സമൂഹമാദ്ധ്യമങ്ങളിൽ വൈറലാകുന്നത്.

ഇതിന് വേണ്ടി ഒരാൾ ലാവയിലേക്ക് ചാടുകയൊന്നുമല്ല ചെയ്തത്. പകരം 30 കിലോഗ്രാം ജൈവ മാലിന്യമാണ് ലാവയിലേക്ക് വലിച്ചെറിയുന്നത്. മനുഷ്യശരീരത്തിന് സമാനമാണ് ഇതും. എത്യോപ്യയിലെ സജീവ അഗ്‌നിപർവ്വതമായ എർട്ട ആലയിലാണ് ഈ പരീക്ഷണം നടത്തുന്നത്.

Awakening a volcano by throwing a rock pic.twitter.com/Kplhv8dHTM

— Historic Vids (@historyinmemes) November 9, 2022

ഏകദേശം 80 മീറ്റർ ഉയരത്തിൽ നിന്നാണ് ലാവയിലേക്ക് രണ്ട് പേർ ചേർന്ന് ജൈവമാലിന്യം വലിച്ചെറിയുന്നത്. ചാരം പോലിരിക്കുന്ന ആദ്യത്തെ പാളിയിലേക്ക് ഇത് ചെന്നു വീണ ഉടനെ തീക്കുമിളകൾ പോലെ ഉണ്ടാകുന്നു. പിന്നാലെ ഇത് പൂർണമായും കത്തി തീപിടിച്ച് മുങ്ങുന്നതാണ് കാണുന്നത്. തീയുടെ അളവ് ഓരോ നിമിഷവും കൂടി ചെറിയൊരു പൊട്ടിത്തെറി ഉണ്ടാകുന്നതും കാണാം.

ധാരാളം വിഷവാതകങ്ങളും അഗ്നിപർവ്വതങ്ങളിൽ നിന്ന് പുറത്തേക്ക് വമിക്കുന്നുണ്ട്. ഇവ ഒരു പരിധിയിൽ കൂടുതൽ ശ്വസിക്കുന്നത് മരണത്തിന് വരെ കാരണമായേക്കാം. കാർബൺ ഡൈ ഓക്‌സൈഡ്, സൾഫർ ഡയോക്‌സൈഡ്, ഹൈഡ്രജൻ സൾഫൈഡ് തുടങ്ങിയവയെല്ലാം ഇതിനുള്ളിൽ നിന്ന് പുറത്തേക്ക് വരുന്നുണ്ട്.