രാഹുൽ ഗാന്ധി നയിക്കുന്ന ഭാരത് ജോഡോ യാത്ര ഇപ്പോൾ മദ്ധ്യപ്രദേശിലാണ്. കന്യാകുമാരിയിൽ നിന്ന് ആരംഭിച്ച യാത്രയ്ക്ക് കേരളത്തിൽ നിന്നല്ലാതെ വലിയ പിന്തുണ മറ്റ് സംസ്ഥാനങ്ങളിൽ നിന്നും ലഭിച്ചില്ല. ഉത്തരേന്ത്യൻ സംസ്ഥാനങ്ങളിലേയ്ക്ക് കടന്നതോടെ ജന ശ്രദ്ധ ആകർഷിക്കാൻ കോൺഗ്രസ് നേതാക്കൾ നടത്തുന്ന ക്ഷേത്ര ദർശനങ്ങളും രാഹുൽ ഗാന്ധിയുടെ വേഷവിധാനങ്ങളുമെല്ലാം സമൂഹമാദ്ധ്യമങ്ങളിൽ ട്രോളുകളാകാറുണ്ട്. ഇതിനിടെ, ഭാരത് ജോഡോ യാത്ര തന്നിൽ വലിയ മാറ്റങ്ങൾ വരുത്തിയെന്ന് രാഹുൽ ഗാന്ധി അവകാശപ്പെട്ടതിന് പിന്നാലെ രാഹുലിന് ഉണ്ടായ മാറ്റം വ്യക്തമാക്കുന്ന വീഡിയോ പങ്കുവെച്ചിരിക്കുകയാണ് കോൺഗ്രസ് പാർട്ടി.
‘യാത്ര കാരണം എന്റെ ക്ഷമ വർദ്ധിച്ചിട്ടുണ്ട്. നേരത്തെ, ഞാൻ പെട്ടെന്നുതന്നെ അസ്വസ്ഥനാകുമായിരുന്നു. മറ്റുള്ളവരെ കേൾക്കാനുള്ള കഴിവും ഇപ്പോൾ കൂടിയിട്ടുണ്ട്. ആരെങ്കിലും എന്റെ അടുത്ത് വന്നാൽ, ഞാൻ അവരെ കൂടുതൽ കേൾക്കാൻ ശ്രമിക്കുന്നു. ഇതെല്ലാം വളരെ പ്രയോജനകരമാണെന്ന് തോന്നുന്നു’ എന്നാണ് രാഹുൽ ഗാന്ധി പറഞ്ഞത്.
പിന്നാലെ, രാഹുൽ ഗാന്ധിയുടെ ഓരോ ചുവടുവെയ്പ്പും ഇന്ത്യയെ വീണ്ടും ഒന്നിപ്പിക്കുകയാണ് എന്ന് സൂചിപ്പിക്കുന്ന കുറിപ്പോടു കൂടി കോൺഗ്രസ് വീഡിയോയും പങ്കുവെച്ചു. ഭാരത് ജോഡോ യാത്ര ആരംഭിച്ചതു മുതൽ പാർട്ടി പ്രവർത്തകരോടൊപ്പം നടക്കുന്ന രാഹുൽ ഗാന്ധിയുടെ ചിത്രങ്ങളാണ് 50 സെക്കൻഡ് ദൈർഘ്യമുള്ള വീഡിയോയിൽ പാർട്ടി ഉൾപ്പെടുത്തിയിരിക്കുന്നത്. രാഹുൽ ഗാന്ധിയുടെ മാറ്റം വ്യക്തമാക്കാൻ ഇറക്കിയ വീഡിയോയിൽ താടിയുടെ വളർച്ചയിലുണ്ടായ മാറ്റമാണ് പലരുടെയും കണ്ണിലുടക്കുന്നത്.
बढ़ते कदम, जुड़ता भारत..#BharatJodoYatra की यादों के समेटे हुए लम्हे। pic.twitter.com/uhdWu97LFX
— Congress (@INCIndia) November 29, 2022
Comments