തുള്ളിച്ചാടി നൃത്തം ചവിട്ടി രാഹുൽ ​ഗാന്ധി; ഇത് കോൺ​ഗ്രസാണ്, കഠിനാധ്വാനം ചെയ്യാൻ ഞങ്ങൾക്കറിയാം എന്ന് വയനാട് എംപി

ജൽവാർ: രാജസ്ഥാൻ മുഖ്യമന്ത്രി അശോക് ​ഗെഹ്‍ലോട്ടിന്റെ കൈപിടിച്ച് നൃത്തം ചെയ്ത് രാഹുൽ ​ഗാന്ധി. രാജസ്ഥാനിലെ ജൽവാറിൽ ഭാരത് ജോഡോ യാത്രയുടെ ഭാ​ഗമായി സംഘടിപ്പിച്ച പരിപാടിയിലാണ് പ്രാദേശിക കലാകാരന്മാർ അവതരിപ്പിച്ച നൃത്തത്തിന് രാഹുൽ ​ഗാന്ധിയും ചുവടു വച്ചത്. മദ്ധ്യപ്രദേശ് മുൻ മുഖ്യമന്ത്രി കമൽനാഥ്, സച്ചിൻ പൈലറ്റ് എന്നിവരും രാഹുൽ ​ഗാന്ധിക്കൊപ്പം നൃത്തം ചെയ്തു.

പരിപാടികൾ ആസ്വദിച്ച ശേഷം ജൽവാറിൽ കോൺ​ഗ്രസ് പ്രവർത്തകരെ രാഹുൽ ​ഗാന്ധി അഭിവാദ്യം ചെയ്തു. ‘സവർക്കറുടെയും ​ഗോഡ്സെയുടെയും പാർട്ടി അല്ല കോൺ​ഗ്രസ്. മഹാത്മാ ​ഗാന്ധിയുടെ പാർട്ടിയാണ് കോൺ​ഗ്രസ്. അതിനാൽ കഠിനാധ്വാനം ചെയ്യാൻ ഞങ്ങൾക്കറിയാം’ എന്ന് രാഹുൽ ​ഗാന്ധി പറഞ്ഞു. ബിജെപിയ്‌ക്കും ആർഎസ്എസിനും എതിരായുള്ള സ്ഥിരം വിമർശനവും രാഹുൽ ​ഗാന്ധി ആവർത്തിച്ചു.

#WATCH | Congress MP Rahul Gandhi, Rajasthan CM Ashok Gehlot & party leaders Sachin Pilot and Kamal Nath take part in a tribal dance in Jhalawar, Rajasthan. pic.twitter.com/18NgWYrWrk

— ANI (@ANI) December 4, 2022

അതേസമയം, ഭാരത് ജോഡോ യാത്ര റിപ്പോർട്ട് ചെയ്യാൻ മാദ്ധ്യമങ്ങൾ തയ്യാറാകുന്നില്ല എന്ന് രാജസ്ഥാൻ മുഖ്യമന്ത്രി അശോക് ​ഗെഹ്‍ലോട്ട് വിമർശിച്ചു. ലക്ഷങ്ങളാണ് രാഹുൽ ​ഗാന്ധി നയിക്കുന്ന യാത്രയിൽ പങ്കെടുക്കുന്നത്. ഇത്രയും വലിയ പ്രചാരണം എന്തുകൊണ്ടാണ് മാദ്ധ്യമങ്ങൾ റിപ്പോർട്ട് ചെയ്യാത്തത്. ഭാരത് ജോഡോ യാത്ര കാണിക്കേണ്ടത് മാദ്ധ്യമങ്ങളുടെ കടമയാണെന്നും, അല്ലങ്കിൽ ചരിത്രം മാദ്ധ്യപ്രവർത്തകരോട് ക്ഷമിക്കില്ലെന്നും ഗെഹ്‍ലോട്ട് പറഞ്ഞു.