ശ്രീനഗർ: ജമ്മു കശ്മീരിൽ സ്ഫോടക വസ്തു കണ്ടെടുത്തു. വടക്കൻ കശ്മീരിലെ സോപോറിൽ നിന്നാണ് സംശയാസ്പദമായ നിലയിൽ ഉപേക്ഷിച്ച ഐഇഡി കണ്ടെടുത്തത്. സോപോർ പോലീസും സിആർപിഎഫും സ്ഥലത്തെത്തി പരിശോധനകൾ നടത്തി. സംഭവത്തിന് പിന്നിൽ ഏതെങ്കിലും ഭീകരസംഘടനകളാണോ എന്ന് പരിശോധിച്ച് വരികയാണ്.
സ്‌ഫോടകവസ്തു കണ്ടെടുത്ത സാഹചര്യത്തിൽ പ്രദേശത്ത് ജാഗ്രതാ നിർദേശം നൽകിയിട്ടുണ്ട്. പ്രദേശത്ത് തിരച്ചിൽ തുടരുകയാണെന്ന് സുരക്ഷാ സേന വ്യക്തമാക്കി. അടുത്തിടെ സൈന്യവും ഭീകരരും തമ്മിൽ ഏറ്റുമുട്ടൽ നടന്ന മേഖലയാണ് സോപോർ.
