പാലക്കാട് : ആർഎസ്എസ് മുൻ ശാരീരിക് ശിക്ഷൺ പ്രമുഖ് ശ്രീനിവാസനെ കൊലപ്പെടുത്തിയ കേസിൽ ഒരു പോപ്പുലർ ഫ്രണ്ട് ഭീകരൻ കൂടി അറസ്റ്റിൽ. പോപ്പുലർ ഫ്രണ്ട് മുൻ ഏരിയ റിപ്പോർട്ടർ മുഹമ്മദ് ഷെഫീഖ് ആണ് അറസ്റ്റിലായത്.
കേസിൽ അന്വേഷണ സംഘം കഴിഞ്ഞ ദിവസം രണ്ടാമത്തെ കുറ്റപത്രം സമർപ്പിച്ചിരുന്നു. 18 പ്രതികൾക്കെതിരെയുള്ള കുറ്റപത്രമാണ് അന്വേഷണ ഉദ്യോഗസ്ഥൻ നർക്കോട്ടിക് സെൽ ഡിവൈ.എസ്.പി എം. അനിൽകുമാർ ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് കോടതിയിൽ സമർപ്പിച്ചത്.
1950 പേജുള്ള കുറ്റപത്രത്തിൽ 185 സാക്ഷികളും 270 തൊണ്ടിമുതലുകളും ഉൾപ്പെടുന്നു. കേസിൽ 44 പ്രതികളാണുള്ളത്. ഇതിൽ 41 പേരെ ഇതുവരെ അറസ്റ്റ് ചെയ്തതായും മൂന്നുപേർ ഗൾഫിലാണെന്നും അനിൽകുമാർ പറഞ്ഞു. കേസിന്റെ മൂന്നാം ഘട്ട അന്വേഷണവും ആരംഭിച്ചുകഴിഞ്ഞു.
