ശരീരം അനങ്ങാതെ കല്ല് പോലെ ദൃഢമാകുന്നു ; പത്തുലക്ഷത്തിൽ ഒരാൾക്ക് വരുന്ന അപൂർവ്വ രോഗത്തിനടിമയായി ടൈറ്റാനിക്ക് ഗായിക

ഏറെ കാലത്തിനു ശേഷവും ഓരോ ഇന്ത്യക്കാരന്റെയും ഹൃദയത്തിൽ ജീവിക്കുന്ന ചിത്രമാണ് ടൈറ്റാനിക്. ഡിസംബർ 19 ന് അമേരിക്കയിൽ റിലീസ് ചെയ്ത ചിത്രത്തിലെ ‘എവരി നൈറ്റ് ഇൻ മൈ ഡ്രീംസ്, ഐ സീ യു, ഐ ഫീൽ യു’ എന്ന ഒരു ഗാനം വളരെ പ്രശസ്തമായിരുന്നു . എന്നാൽ ഈ പ്രശസ്ത ഗാനം ആലപിച്ച ഗായിക സെലീന ഡിയോൺ ഇന്ന് അപൂർവ്വ രോഗത്തിനടിമയാണ് .ഗുരുതരമായ അസുഖത്തെ തുടർന്ന് 2023 ലെ തന്റെ മുഴുവൻ പര്യടനവും റദ്ദാക്കിയിരിക്കുകയാണ് സെലീന .

സ്റ്റിഫ് പേഴ്‌സൺ സിൻഡ്രോം എന്ന രോഗമാണ് തനിക്കെന്ന് സെലീന പറയുന്നു . രോഗിയുടെ ശരീരം ഒരു പ്രതിമ പോലെ ദൃഢമാകാൻ കാരണമാകുന്ന ഒരു അപൂർവ രോഗമാണിത്. ശരീരത്തിന്റെ എല്ലാ ഭാഗങ്ങളും കല്ലിനു തുല്യമായി മാറുന്നു. ഈ രോഗം വളരെ അപൂർവമായി മാത്രമേ കുറച്ച് ആളുകൾക്ക് ഉണ്ടാകൂ. പത്തുലക്ഷത്തിൽ ഒരാൾ ഈ രോഗത്തിന് ഇരയാകുന്നു.

ഇത് കേന്ദ്ര നാഡീവ്യവസ്ഥയെ നേരിട്ട് ബാധിക്കുന്ന രോഗമാണ് . സുഷുമ്നാ നാഡിയിലും , ശരീരത്തിലും മരവിപ്പ് അനുഭവപ്പെടും . ചില സന്ദർഭങ്ങളിൽ, കഴുത്തിലും തോളിലും സന്ധികളിൽ കാഠിന്യം അനുഭവപ്പെടും . അധികം ടെൻഷൻ എടുക്കുന്നത് മൂലമാണ് ഈ അവസ്ഥ ഉണ്ടാകുന്നത് . നേരിയ ശാരീരിക സമ്പർക്കം പോലും ശരീരത്തിൽ അസ്വസ്ഥത, രോഗാവസ്ഥ, വേദന എന്നിവയ്‌ക്ക് കാരണമാകും

ചില രോഗികൾക്ക് വീൽചെയറിന്റെ സഹായം വേണ്ടി വരും , ചിലർക്ക് ഒരിക്കലും എഴുന്നേൽക്കാനാകാത്ത അവസ്ഥയുമുണ്ടാകും.ഏത് പ്രായത്തിലും ഈ രോഗം വരാം, എന്നാൽ 30-60 വയസ്സ് പ്രായമുള്ളവരിലാണ് കൂടുതലായി കാണപ്പെടുന്നത്. ഈ പ്രായത്തിലുള്ളവരിൽ പിരിമുറുക്കത്തിന്റെ തോത് വർധിക്കുന്നുണ്ടെന്നും ഇക്കാരണത്താൽ ഈ പ്രായത്തിലുള്ളവർ കൂടുതൽ ഈ രോഗത്തിന് ഇരയായിട്ടുണ്ടെന്നും വിദഗ്ധർ പറയുന്നു

ഈ രോഗത്തിന് നിലവിൽ പൂർണ്ണമായ ചികിത്സയില്ല. രോഗിക്ക് സുഖം തോന്നുന്നതിനാണ് ചികിത്സ നൽകുന്നത്. വേദനസംഹാരികളും നൽകാറുണ്ട്. മരുന്നുകളും ചികിത്സകളും നിർത്തി സാധാരണ ജീവിതം നയിക്കാൻ ആകില്ല .