ടിക്ക് ടോക്ക് വീഡിയോകളിലൂടെയും ഡബ്സ്മാഷുകളിലൂടെയും മലയാളികളുടെ മനസിൽ ഇടംപിടിച്ച കലാകാരിയാണ് നൂറിൻ ഷെരീഫ്. ഒമർ ലുലു സംവിധാനം ചെയ്ത ചങ്ക്സ് ചിത്രത്തിലൂടെയാണ് നൂറിൻ സിനിമയിൽ അരങ്ങേറ്റം കുറിച്ചത്. പിന്നീട് ഒമറിന്റെ തന്നെ ഒരു അഡാറ് ലവ് എന്ന ചിത്രത്തിൽ പ്രധാന കഥാപാത്രമായും നൂറിനെത്തി. നിരവധി മലയാള സിനിമകളുടെ ഭാഗമായി മാറിയ യുവനടി ഇപ്പോൾ വിവാഹിതയാവുകയാണ്.
നടനും തിരക്കഥാകൃത്തുമായ ഫഹീം സഫറാണ് വരൻ. ജൂൺ, മധുരം, ഗാങ്സ് ഓഫ് 18 എന്നീ സിനിമകളിലൂടെ പ്രേക്ഷകർക്ക് സുപരിചിതനാണ് ഫഹീം സഫർ. ജോജു ജോസഫ് നായകനായ മധുരം എന്ന ചിത്രത്തിന്റെ തിരക്കഥാകൃത്ത് കൂടിയാണ് ഇദ്ദേഹം. ഏറെ നാളുകളായി അടുത്ത സുഹൃത്തുക്കളായിരുന്നു നൂറിനും ഫഹീമും. ഒടുവിൽ സൗഹൃദം പ്രണയമായി മാറിയപ്പോൾ ഇരുവരും വിവാഹിതരാകാൻ തീരുമാനിക്കുകയായിരുന്നു.
വിവാഹ നിശ്ചയത്തിന്റെ ചിത്രങ്ങൾ നൂറിൻ തന്റെ സോഷ്യൽ മീഡിയ അക്കൗണ്ടിലൂടെ പങ്കുവച്ചതോടെയാണ് വിവരം ആരാധകർ അറിയുന്നത്. അടുത്ത സുഹൃത്തുക്കളും ബന്ധുക്കളും മാത്രം പങ്കെടുത്ത വിവാഹ നിശ്ചയ ചടങ്ങ് ബേക്കലിലെ ഒരു റിസോർട്ടിൽ വച്ചായിരുന്നു നടന്നത്.
Comments