സ്കൂൾ ഗ്രൗണ്ടിലേക്ക് ഇരമ്പിക്കയറി കടന്നൽക്കൂട്ടം; തൃശൂരിൽ നാൽപ്പതിലേറെ വിദ്യാർത്ഥിനികൾക്ക് കുത്തേറ്റു- Wasp Attack in Thrissur Girls School

തൃശൂർ: സ്കൂൾ ഗ്രൗണ്ടിലേക്ക് പറന്നിറങ്ങിയ കടന്നൽക്കൂട്ടത്തിന്റെ ആക്രമണത്തിൽ നിരവധി വിദ്യാർത്ഥിനികൾക്ക് പരിക്ക്. തൃശൂരിലെ പാവറട്ടിയിലാണ് സംഭവം. നാൽപ്പതിലധികം വിദ്യാർത്ഥിനികൾക്ക് പരിക്കേറ്റതായാണ് വിവരം.

പാവറട്ടി ക്രൈസ്റ്റ് കിംഗ് കോൺവന്റ് ഗേൾസ് സ്കൂളിലെ മൈതാനത്ത് കളിച്ചു കൊണ്ട് നിൽക്കുകയായിരുന്ന കുട്ടികൾക്കാണ് കടന്നൽക്കുത്തേറ്റത്. കുട്ടികൾ വിവിധ ആശുപത്രികളിൽ ചികിത്സയിലാണ്. കുട്ടികളുടെ പരിക്ക് സാരമുള്ളതല്ല എന്നാണ് സ്കൂൾ അധികൃതരുടെ പ്രതികരണം.