ബഫർ സോൺ; ഇടുക്കിയിൽ ഫീൽ‍ഡ് സർവേ പൂർത്തിയായി

ഇടുക്കി: ബഫർസോണുമായി ബന്ധപ്പെട്ടുള്ള ഫീൽ‍ഡ് സർവെ ഇടുക്കിയിൽ പൂർത്തിയായി. ബഫർസോണിൽ ഉൽപ്പെട്ട പ്രദേശങ്ങളിലെ അപകതകൾ കണ്ടെത്താനുള്ള സർവെ ആണ് പൂർത്തിയായത്. അറക്കുളം ഒഴികെയുള്ള പഞ്ചായത്തുകളിൽ കെട്ടിടങ്ങൾ ഏതൊക്കെയാണ് എന്നുള്ള ജിയോ ടാഗിം​ഗ് അടക്കമാണ് പൂർത്തിയാക്കിയത്. 8 സംരക്ഷിത വനമേഖലിയിലെ 20 പഞ്ചായത്തുകളിലാണ് ഇടുക്കിയിൽ ഫീൽഡ് സർവേ പൂർത്തിയാക്കിയത്.

സർവേ പുരോഗതി വിലയിരുത്താൻ മന്ത്രി റോഷി അഗസ്റ്റിന്റെ അദ്ധ്യക്ഷതയിൽ യോഗം ചേർന്നു. മൂന്നാർ വന്യജീവി സങ്കേതത്തോടു ചേർന്നുള്ള പ‌ഞ്ചായത്തുകളിൽ നിന്നും ലഭിച്ച 7,816 അപേക്ഷകളിൽ 7,033 എണ്ണവും, ഇടുക്കിയിൽ 11,434 അപേക്ഷകളിൽ 9,931 എണ്ണവും, പെരിയാറിൽ 7,298 എണ്ണവും പരിശോധിച്ച് നടപടികൾ പൂർത്തിയാക്കി.

അറക്കുളം പഞ്ചായത്തിൽ ലഭിച്ച 338 അപേക്ഷകളിൽ ജിയോ ടാഗിംഗ് നടത്താനുണ്ട്. ഇത് വി​ദ​ഗ്ദരായ ആളുകളെ നിയോഗിച്ച് മൂന്നു ദിവസത്തിനകം പൂർത്തിയാക്കാൻ നിർദ്ദേശം നൽകി. മൂന്നാറിലും ഇടുക്കിയിലും കൂടുതൽ പ്രദേശം ഉൾപ്പെടുന്നതിനാൽ അപേക്ഷകളിൽ ഇരട്ടിപ്പ് വന്നിട്ടുണ്ടെന്ന് വനംവകുപ്പ് അറിയിച്ചു. സുപ്രീം കോടതി വിധി വന്നശേഷം വീണ്ടും യോഗം ചേർന്ന് തുടർ നടപടികൾ സ്വീകരിക്കാനാണ് യോഗത്തിൽ തീരുമാനമായത്.