പാലക്കാട്: ആർഎസ്എസ് തേനാരി മണ്ഡലം ബൗദ്ധിക് പ്രമുഖ് സഞ്ജിത്ത് വധക്കേസിൽ ഒരാൾ കൂടി അറസ്റ്റിൽ. പോപ്പുലർ ഫ്രണ്ട് ഭീകരൻ സെയ്ദ് മുഹമ്മദ് ആഷിക്കാണ് അറസ്റ്റിലായത്. കൊല്ലങ്കോട് സ്വദേശിയായ ഇയാൾ പോപ്പുലർ ഫ്രണ്ട് ജില്ലാ റിപ്പോർട്ടറായിരുന്നു. കൊലപാതക ഗൂഢാലോചനയിൽ ഉൾപ്പെടെ പങ്കെടുത്തയാളാണ് സെയ്ദ്.
ശ്രീനിവാസൻ വധക്കേസിലും ഇയാൾക്ക് പങ്കുണ്ടെന്നാണ് ലഭിക്കുന്ന വിവരം. സഞ്ജിത്ത് വധക്കേസിൽ ഇതുവരെ 15 പേരാണ് പിടിയിലായത്. 24 പ്രതികളിൽ ഒമ്പത് പേരെ ഇനിയും പോലീസിന് പിടികൂടാൻ സാധിച്ചിട്ടില്ല.
2021 നവംബർ 15നാണ് സഞ്ജിത്തിനെ പട്ടാപ്പകൽ നടുറോഡിൽ വെച്ച് വെട്ടി കൊലപ്പെടുത്തിയത്. സംഭവം നടന്ന് ഒരു വർഷത്തിൽ അധികമായിട്ടും കേസിലെ മുഴുവൻ പ്രതികളേയും പിടികൂടാൻ പോലീസിന് കഴിഞ്ഞിട്ടില്ല. പോലീസ് ജാഗ്രത കാണിക്കുന്നില്ലെന്ന് ചൂണ്ടിക്കാട്ടി കുടുംബം ഹൈക്കോടതിയെ സമീപിച്ചിരുന്നു.
Comments