ചെന്നൈ : തിങ്ക് എഡ്യൂവിന്റെ 12-മത് പതിപ്പ് ആരംഭിച്ചു. ദേശിയ വിദ്യാഭ്യാസ നയം 2020 യുവാക്കളിൽ ഇന്ത്യൻ ചരിത്രം ഊട്ടിയുറപ്പിക്കുമെന്നും 21-ാം നൂറ്റാണ്ടിലെ വെല്ലുവിളികൾക്കെതിരായി പ്രവർത്തിക്കുന്നതിൽ സജ്ജരാക്കുമെന്നും കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ ദ്വിദിന കോൺക്ലേവ് ഉദ്ഘാടനം ചെയ്തുകൊണ്ട് പറഞ്ഞു.
വിദ്യാഭ്യാസം രാജ്യത്തെ എല്ലാ വ്യക്തികളിലും എത്തുന്നുവെന്ന് ഉറപ്പാക്കണമെന്നും രാജ്യത്തെ യുവാക്കളെ ആഗോള തലത്തിലേക്ക് ഉയർത്തണമെന്നും അദ്ദേഹം പറഞ്ഞു. ‘ദേശിയ വിദ്യാഭ്യാസ നയം: ഒരു സാംസ്കാരിക വിപ്ലവം’ എന്ന വിഷയത്തെ ആസ്പദമാക്കി വീഡിയോ കോൺഫറൻസിലൂടെയാണ് കേന്ദ്ര വിദ്യാഭ്യാസ മന്ത്രി സന്ദേശം നൽകിയത്.
യുവാക്കൾ തൊഴിലന്വേഷകർ എന്ന നിലയിൽ നിന്നും തൊഴിലവസരങ്ങൾ സൃഷ്ടിക്കുന്ന നിലയിലേക്ക് മാറണം. രാജ്യത്തെ അവസാന വ്യക്തിയിലേക്കും എങ്ങനെ വിദ്യാഭ്യാസം എത്തിക്കാനാകും എന്ന് ശ്രദ്ധിക്കണം. എങ്കിൽ മാത്രമേ ലോകത്തിന് വെളിച്ചം പകരുന്ന വിശ്വഗുരു എന്ന പദവിയിലേക്ക് ഇന്ത്യയ്ക്ക് ചുവടു വയ്ക്കാൻ സാധിക്കൂ എന്നും ധർമേന്ദ്ര പ്രധാൻ പറഞ്ഞു. രാജ്യത്തെ പൗരന്മാരുടെ ജീവിത സാഹചര്യം മെച്ചപ്പെടുന്നത് വഴി വികസിത ഭാരതം എന്ന ലക്ഷ്യം കൈവരിക്കുമെന്നും അദ്ദേഹം വ്യക്തമാക്കി.
Comments